ជាមួយនឹងការចាប់ផ្តើមឆ្នាំហិរញ្ញវត្ថុថ្មីក្នុងប្រទេសអូស្រ្តាលី នៅថ្ងៃទី១ កក្កដា ឥឡូវគឺជាពេលដែលលោកអ្នកត្រូវប្រកាសពន្ធប្រាក់ចំណូល។
តើខ្ញុំចាំបាច់ត្រូវប្រកាសពន្ធដែរឬទេ?
ប្រសិនបើអ្នកធ្វើការនៅក្នុងប្រទេសអូស្រ្តាលី ហើយក្នុងអំឡុង ឆ្នាំហិរញ្ញវត្ថុមុន អ្នករកប្រាក់ចំណូលបានច្រើនជាង១៨២០០ដុល្លារ នោះអ្នកត្រូវតែប្រកាសពន្ធឬTax Return។
និយោជករបស់អ្នកគួរតែបានឲ្យអ្នកនូវលិខិតមួយច្បាប់សង្ខេបពីប្រាក់ចំណូលរបស់អ្នកដែលគេហៅថា”Group Certificate” ដែលបង្ហាញពីចំនួនសរុបដែលបានរកបានសម្រាប់ឆ្នាំហិរញ្ញវត្ថុ និងចំនួនប្រាក់ពន្ធដែលអ្នកបានបង់រួចហើយ។ ប្រសិនបើអ្នកមិនទាន់ទទួលបានលិខិតនោះទេ សូមទារពីនិយោជករបស់អ្នក។
តើខ្ញុំត្រូវប្រកាសនៅពេលណា?
ប្រសិនបើអ្នកធ្វើការប្រកាសពន្ធដោយខ្លួនឯង អ្នកមានពេលរហូតដល់ចុងខែតុលា។ តែប្រសិនបើអ្នកឲ្យគណនេយ្យករ(Accountant) ប្រកាសឲ្យនោះអ្នកមានពេលរហូតដល់ថ្ងៃទី១៥ខែឧសភាឆ្នាំក្រោយ។
ប្រកាសពន្ធដោយខ្លួនឯង
អ្នកអាចប្រកាសពន្ធដោយខ្លួនឯងបានតាមរយៈឧបករណ៍អនឡាញរបស់រដ្ឋាភិបាលអូស្រ្តាលីហៅថា myTax ។
សុំជំនួយពីភ្នាក់ងារប្រកាសពន្ធ
បើទោះជាmyTax ងាយស្រួលក្នុងការប្រើប្រាស់ក៏ដោយ ការប្រកាសពន្ធជាលើកដំបុងឬក៏នៅក្នុងប្រទេសថ្មីមួយអាចនឹងមានការភ័ន្តច្រឡំ។
អាចថាយល់ល្អគួរតែស្វែងរកជំនួយពីអ្នកជំនាញ ជាពិសេសសម្រាប់ការប្រកាសពន្ធលើកទីមួយ។
តើខ្ញុំត្រូវធ្វើដូចម្តេចជាមួយនឹងប្រាក់ចំណូលពីបរទេស?
ជនប្រវេសន៍ជាច្រើនក៏នឹងមានប្រាក់ចំណូលពីបរទេសផងដែរ។ អ្នកត្រូវតែប្រកាសវា។ ហើយប្រសិនបើអ្នកបង់ពន្ធលើប្រាក់ចំណូលបរទេសរួចហើយ នោះអ្នកអាចទាមទារtax credits នៅទីនេះបាន។
ការដែលមិនប្រកាសពន្ធប្រាក់ចំណូលពីបរទេសអាចនឹងរងការផាកពិន័យក្រែលគួរសម ហើយអ្នកនឹងត្រូវបង់ការប្រាក់ពីលើចំនួននោះទេ។
តើខ្ញុំអាចទទួលបានការកាត់កងពន្ធអ្វីខ្លះ?
អ្នកអាចទាមទារការកាត់កងពន្ធលើចំណាយមួយចំនួនពាក់ព័ន្ធនឹងការងារ ដូចជា ទិញឯកសណ្ឋាន ឬក៏បង់ថ្លៃសិក្សាពាក់ព័ន្ធនឹងការងារ។ អ្នកអាចចូលទៅគេហទំព័ររបស់ATO’s website បាន ដើម្បីរកមើលថាអ្វីខ្លះដែលអ្នកអាចទាមទារបាន។
អ្នកនឹងត្រូវរក្សាទុកនូវកំណត់ត្រាយ៉ាងហោចណាស់៤ឆ្នាំ ក្រែងលការិយាល័យពន្ធដារចង់ឆែកពីការទាមទារចំណាយទាំងនោះ។ មានកម្មវិធីឥតគិតថ្លៃមួយចំនួនអាចជួយដល់លោកអ្នកក្នុងការរក្សាទុកកំណត់ត្រាទាំងនោះបាន ដូចជា Evernote ឬ ក៏កម្មវិធីរបស់ATO ផ្ទាល់តែម្តងឈ្មោះថា 'myDeductions'។
ទទួលបានប្រាក់ពន្ធត្រឡប់មកវិញ ឬក៏ត្រូវបង់ពន្ធបន្ថែម
និយោជកភាគច្រើននឹងកាត់ពន្ធពីប្រាក់ខែរបស់អ្នកដោយស្វ័យប្រវត្តិនៅរាល់ពេលបើកប្រាក់ឈ្នួលម្តងៗ ក្នុងគោលបំណងប៉ាន់ស្មាននូវចំនួនពន្ធដែលអ្នកគួរតែបង់ក្នុងពេលមួយឆ្នាំ។
ជាមួយនឹងការកាត់កងពន្ធលើប្រាក់ចំណាយមួយចំនួន អ្នកអាចនឹងទទួលបានប្រាក់ខ្លះត្រឡប់មកវិញ។
ចុះប្រសិនបើខ្ញុំប្រកបអាជីវកម្មដោយខ្លួនឯង (self –employed) វិញ?
ប្រសិនបើអ្នកធ្វើការងារក្រៅក្របខ័ណ្ឌ ឬក៏ធ្វើការងារឲ្យក្រុមហ៊ុនដូចជា Uber, Deliveroo ឬក៏ Airtasker ដែលប្រាក់ពន្ធមិនត្រូវបានកាត់ជាស្វ័យប្រវត្តិទេនោះ អ្នកនឹងត្រូវបង់វានៅពេលដែលអ្នកប្រកាសពន្ធ។
ពិចារណាលើការដកប្រាក់ទុកដោយឡែកនៅរាល់ពេលទទួលបានប្រាក់កម្រៃម្តងៗ ដូច្នេះទើបអ្នកមិនចាំបាច់ត្រូវបង់ប្រាក់ថែមច្រើនទៅឲ្យATO នៅពេលប្រកាសចុងឆ្នាំ។
តំណភ្ជាប់គេហទំព័រសំខាន់ៗដទៃទៀត
Lodging a tax return online with myTax
