រដ្ឋ​វិកថូរៀ​នៅ​តែ​មាន​ការ​កើន​ឡើង​ករណី​ឆ្លង Covid-19

ក្នុងរយៈពេលប៉ុន្មានពីរសប្តាហ៍កន្លងទៅនេះ រដ្ឋវិកថូរៀបានក្លាយជារដ្ឋមានការឆ្លងករណី Covid-19 ច្រើនជាងគេបំផុតក្នុងប្រទេសអូស្ត្រាលី ដោយបីថ្ងៃជាប់គ្នាចុងក្រោយនេះមានការឆ្លងពី64 ទៅ 75ករណី។ ដើម្បីឆ្លើយតបទៅនឹងការកើនឡើងនៃករណីឆ្លងនេះ រដ្ឋាភិបាលរដ្ឋវិកថូរៀបានសម្រេចដាក់កំហិតឡើងវិញដោយបិទទ្វារតំបន់ដែលមានលេខកូដដូចតទៅនេះ ៖ 3038, 3064, 3047, 3060, 3012, 3032, 3055, 3042, 3021, and 3046 ចាប់ពីថ្ងៃទី 2 ដល់ថ្ងៃទី 29 កក្កដា ដោយពលរដ្ឋរស់នៅក្នុងតំបន់ទាំងនេះអាចចេញពីផ្ទះបានតែក្នុងបួនករណីប៉ុណ្ណោះគឺទៅទិញម្ហូបអាហារ និងបរិក្ខារផ្សេងៗ ទៅជួបពេទ្យ ឬផ្តល់ការថែទាំ ទៅធ្វើការ ឬទៅរៀន និងហាត់ប្រាណ។