ឥឡូវនេះមានវិធីជាច្រើនដើម្បីតាមដានព័ត៌មានចុងក្រោយបង្អស់ស្តីអំពីកូវីដ-១៩ ជាភាសាផ្សេងក្រៅពីភាសាអង់គ្លេស ជាមួយនឹងការផ្តល់ជូនរបស់ SBS នូវការផ្សាយបន្តផ្ទាល់សន្និសីទសារព័ត៌មានប្រចាំថ្ងៃរបស់រដ្ឋញូសៅវែលលើកញ្ចក់ទូរទស្សន៍ និងនៅលើ SBS On Demand ។
នៅថ្ងៃច័ន្ទ ការធ្វើបច្ចុប្បន្នភាពកូវីដ-១៩ របស់រដ្ឋាភិបាលនៅម៉ោង ១១ ព្រឹក បានចាប់ផ្តើមផ្សាយនៅរដ្ឋញូសៅវែល ដោយមានការបកប្រែការផ្សាយបន្តផ្ទាល់ជាភាសាអារ៉ាប់នៅលើ SBS និងជាភាសាវៀតណាមនៅលើ SBS VICELAND ។ សេវាកម្មទាំងពីរនេះក៏មានផងដែរនៅលើ SBS on Demand.
ការបកប្រែភាសាអាស៊ីរៀន, ភាសាចិនកាតាំង, ភាសាខ្មែរ និងភាសាចិនកុកងឺ ក៏កំពុងផ្សាយនៅលើ SBS On Demand ដែរ។
ការផ្សាយជាពហុភាសាទាំងនេះផ្សាយពីវីដេអូផ្សាយបន្តផ្ទាល់ពីសន្និសីទសារព័ត៌មានរបស់រដ្ឋាភិបាលរដ្ឋញូសៅវែល ដោយផ្តល់ជូននូវការបកប្រែជាភាសាផ្សេងៗជាសំលេងចំបង។
សន្និសីទសារព័ត៌មានទាំងនេះកំពុងត្រូវបានបកប្រែជាភាសាអារ៉ាប់ វៀតណាម ចិនកុកងឺ ចិនកាតាំង អាស៊ីរៀន និងភាសាខ្មែរ ដែលអាចចូលមើលបានតាមរយៈគេហទំព័រហ្វេសប៊ុគរបស់ SBS Arabic24, SBS Vietnamese, SBS Chinese(Mandarin), SBS Cantonese, SBS Assyrian និង SBSខ្មែរ ក៏ដូចជាស្តាប់នៅលើវិទ្យុSBSផងដែរ។
SBS កំពុងតែធ្វើការរាប់បញ្ចូលភាសាមួយចំនួនបន្ថែមទៀត រួមមាន៖ អេស្បាញ អ៊ូឌូ ក្រិច និងបង់ហ្គា។
ចាប់តាំងពីSBSបានចាប់ផ្តើមបកប្រែការផ្សាយបន្តផ្ទាល់ទាំងនេះកាលពីខែមុនមក វាត្រូវបានគេចូលមើលជាង ៥០០.០០០ ដង នៅទូទាំងវេទិកានានា ដែលមានចំនួនចូលមើលជាង ១.៦ លាននាទី។
“នៅពេលដែលព្រឹត្តិការណ៍ជាច្រើនបានវិវឌ្ឍន៍ឡើងនិងប៉ះពាល់ដល់សហគមន៍ជាច្រើនតាមវិធីផ្សេងៗគ្នា SBSកំពុងបន្តសម្របខ្លួន និងពង្រីកការងារដែលយើងកំពុងតែធ្វើ។ ផ្តល់ជូននូវការផ្សាយបន្តផ្ទាល់ជាភាសាផ្សេងៗលើវេទិកាជាច្រើន តាមរយៈសេវាកម្មចុងក្រោយទាំងនេះគឺគ្រាន់តែជាមធ្យោបាយមួយផ្សេងទៀតដែលយើងអាចធានាបានថា សហគមន៍អាចទទួលបាននូវព័ត៌មានដែលពួកគេត្រូវការ នៅពេលដែលពួកគេត្រូវការវាបំផុត”
នេះបើតាមប្រសាសន៍របស់លោក James Taylor នាយកចាត់ចែងរបស់ SBS។
ថ្មីៗនេះSBS ក៏ចាប់ផ្តើមបកប្រែការធ្វើបច្ចុប្បន្នភាពកូវីដ -១៩ របស់រដ្ឋាភិបាលរដ្ឋវិចថូរៀនៅលើប្រព័ន្ធផ្សព្វផ្សាយសង្គម តាមរយៈ SBS Arabic24, SBS Somali និង SBS Urdu.
ការធ្វើបច្ចុប្បន្នភាពប្រចាំថ្ងៃរបស់រដ្ឋវិចថូរៀក៏នឹងមានផ្សាយជូនទស្សនាក្នុងពេលឆាប់ៗនេះនៅលើ SBS On Demand ផងដែរ។
"យើងដឹងថាដើម្បីជួយដល់សហគមន៍ប្រកបដោយប្រសិទ្ធភាពនៅពេលចាំបាច់នេះ យើងត្រូវបន្តស្រាវជ្រាវនិងអនុវត្តវិធីសាស្ត្រផ្សេងៗដើម្បីឱ្យអ្នករាល់គ្នាបានជ្រាបនូវព័ត៌មានដែលត្រឹមត្រូវ និងអាចស្វែងរកបាន ដែលឆ្លុះបញ្ចាំងពីទស្សនៈរបស់សហគមន៍ ព្រមទាំងចែករំលែករឿងរ៉ាវរបស់ពួកគេផងដែរ" នេះបើតាមប្រសាសន៍របស់ លោក David Hua នាយកនៃមាតិកាសំឡេងនិងភាសារបស់SBS ។
ដំណឹងនិងព័ត៌មានក្នុងស្រុកនិងក្រៅស្រុកអំពីកូវីដ -១៩ និងវ៉ាក់សាំងនានា ក៏អាចរកបាននៅលើ SBS Coronavirus Portal ដែលមានជាង ៦០ ភាសា៕
