Key Points
- គ្រោះថ្នាក់ដែលអាចកើតមានពីល្បែងស៊ីសង រាប់ពីបញ្ហាហិរញ្ញវត្ថុ រហូតដល់បញ្ហាសុខភាពផ្លូវចិត្ត។
- គ្រួសារនិងមិត្តភ័ក្តិរងឥទ្ធិពលពីការងប់ងល់នឹងល្បែងស៊ីសងរបស់បុគ្គលម្នាក់ ប៉ុន្តែអាចស្វែងរកជំនួយបាន។
- ភាពរសើបនៃវប្បធម៌អាចរារាំងមនុស្សពីការស្វែងរកជំនួយ។
- ការជួយដល់មនុស្សជាទីស្រឡាញ់ តម្រូវឱ្យក្រុមគ្រួសារ និងមិត្តភ័ក្តិទទួលបាននូវការគាំទ្រផងដែរ។
ការញៀនដោយលាក់លៀមជាមួយនឹងផលវិបាកពិត
សាស្ត្រាចារ្យផ្នែកចិត្តវិទ្យានៅសាកលវិទ្យាល័យស៊ីដនី លោកស្រី Sally Gainsbury មានប្រសាសន៍ថា ហានិភ័យនៃគ្រោះថ្នាក់ទាំងការលេងល្បែងតាមអនឡាញ និងនៅខាងក្រៅ ពេលខ្លះអាចមើលមិនឃើញ។
ជារឿយៗវាត្រូវបានគេហៅថា ការញៀនដោយលាក់លាម ពីព្រោះអ្នកមិនអាចមើលឃើញនឹងភ្នែក ឬហិតក្លិនដឹងបានតាមច្រមុះនោះទេ ប្រសិនបើពួកគេមានបញ្ហាល្បែងស៊ីសងនោះ... ប៉ុន្តែគ្រោះថ្នាក់គឺដូចគ្នា ហើយការខាតបង់ផ្នែកហិរញ្ញវត្ថុនៅតែមានដូចគ្នា។Sally Gainsbury, Professor of Psychology at the University of Sydney.
សាស្រ្តាចារ្យ Gainsbury ជានាយកមជ្ឈមណ្ឌលស្រាវជ្រាវ និងព្យាបាលការលេងល្បែងស៊ីសង នៅសាកលវិទ្យាល័យស៊ីដនី។
លោកស្រីនិយាយថាផ្លូវទៅរកការដកខ្លូនចេញពីបញ្ហាល្បែងស៊ីសងគឺជាដំណើរការដ៏ស្មុគស្មាញមួយ ទាំងសម្រាប់បុគ្គលដែលកំពុងតស៊ូ និងមនុស្សជុំវិញខ្លួន។
លោកស្រីនិយាយថា ជាញឹកញាប់ក៏មានការញៀនឡើងវិញផងដែរ។
តើស្ថិតិនិយាយយ៉ាងដូចម្តេច?
យោងតាមវិទ្យាស្ថានសុខភាពនិងសុខមាលភាពអូស្រ្តាលី7.2% នៃមនុស្សពេញវ័យអូស្ត្រាលី មានហានិភ័យក្នុងការជួបប្រទះបញ្ហាល្បែងស៊ីសង។
សហគមន៍ដែលមានប្រវត្តិចម្រុះផ្នែកវប្បធម៌ និងភាសា (CALD) មិនលែងល្បែងស៊ីសងច្រើនជាងតប្រជាជនទូទៅទេ ប៉ុន្តែ ការស្រាវជ្រាវបង្ហាញថា ពួកគេងាយរងគ្រោះចំពោះគ្រោះថ្នាក់នៃល្បែងស៊ីសង ច្រើនជាង។
លោកស្រី Natalie Wright ជានាយកការិយាល័យទទួលបន្ទុកល្បែងស៊ីសងនៅញូសៅវែល មានប្រសាសន៍ថា មនុស្សមកពីសហគមន៍ចម្រុះវប្បធម៌ និងភាសាដែលប្រឈមមុខនឹងបញ្ហាល្បែងស៊ីសង ទំនងជាគេចវេសចេញពីការស្វែងរកជំនួយ ដោយសារតែភាពអៀនខ្មាស់ និងការម៉ាក់ងាយ។
ការផ្តល់ប្រឹក្សា នៅក្នុងសហគមន៍ជាច្រើន គឺជាគោលគំនិតលោកខាងលិចយ៉ាងពិតប្រាកដ។ ដូច្នេះ ជាញឹកញាប់ ពួកគេមានគំនិតមួយដែលថា ចង់រក្សាកិច្ចការទាំងនេះត្រឹមតែនៅក្នុងរង្វង់គ្រួសាររបស់ពួកគេតែប៉ុណ្ណោះ។Natalie Wright, Director of the Office of Responsible Gambling in New South Wales
ជួបបញ្ហាម្នាក់ ជះឥទ្ធិពលដល់មនុស្សជាច្រើន
សាច់ញាតិ និងមិត្តភ័ក្តិរបស់អ្នកដែលជួបប្រទះបញ្ហាល្បែងស៊ីសង ក៏រងផលប៉ះពាល់ដែរ។
ពួកគេច្រើនតែជួបប្រទះនឹងគ្រោះថ្នាក់ផ្នែកហិរញ្ញវត្ថុ ដែលទាក់ទងនឹងការលេងល្បែង។ ពួកគេអាចនឹងជួបប្រទះភាពតានតឹងចំពោះទំនាក់ទំនង ហើយពួកគេត្រូវប្រឈមមុខនឹងផលលំបាកអវិជ្ជមាន។
“ដូច្នេះ មនុស្សទាំងនេះ ត្រូវមានការគាំទ្រសម្រាប់ពួកគេ មិនថាតែបុគ្គលនោះកំពុងព្យាយាមផ្លាស់ប្តូរការលេងល្បែងរបស់គេឬយ៉ាងណានោះទេ។ វាក៏មានប្រយោជន៍ផងដែរ សម្រាប់ពួកគេ ក្នុងការទទួលបានការគាំទ្រ ខណៈពេលដែលពួកគេ កំពុងព្យាយាមជួយនរណាម្នាក់ ឬគាំទ្រនរណាម្នាក់ ដែលកំពុងព្យាយាមដកខ្លួនចេញពីការលេងល្បែងស៊ីសង។” សាស្រ្តាចារ្យ Gainsbury ពន្យល់។
អាដាម*ជាអ្នកស្រុកនៅតំបន់ភាគខាងលិចក្រុងស៊ីដនីដែលមានសាវតាជាជនជាតិអារ៉ាប់។ គាត់បានដកខ្លួនចេញពីបញ្ហាល្បែងស៊ីសង តាំងពីឆ្នាំ 2014មក។
លោកថាក្រុមគ្រួសារផ្ទាល់របស់លោកក៏រងផលប៉ះពាល់ដែរ ហើយពួកគេតែតែគាំទ្រគាត់នៅពេលដែលគាត់ផ្តាច់ល្បែងនេះ។
លោករំលឹកឡើងវិញពីសមាជិកម្នាក់ក្នុងគ្រួសាររបស់គាត់ បានស្វែងរកជំនួយប្រឹក្សា ដែលជាលទ្ធផល ផ្តល់ជាប្រយោជន៍សម្រាប់មនុស្សទាំងអស់។
“ពួកគេអាចគាំទ្រតម្រូវការរបស់ខ្ញុំសម្រាប់ការផ្តាច់ល្បែង បានប្រសើរជាងមុន ដែលជួនកាលវាអាចពិបាកយល់នៅពេលដែលអ្នកមិនញៀន។”
“ខ្ញុំគិតថា ការទទួលបានជំនួយពីអ្នកជំនាញ ផ្តល់ឱ្យពួកគេនូវការយល់ដឹង ថា ពួកគេមិនទទួលខុសត្រូវចំពោះអ្វីដែលបានកើតឡើង។ ពួកគេមិនខុសចំពោះអ្វីដែលបានកើតឡើងនោះទេ។ ហើយពួកគេអាចស្វែងជាបុគ្គលបាន ដែលខ្ញុំងាយស្រួលជាង។”
សម្រាប់អាដាម ចំណុចបត់បកក្រោយសម្រាប់គាត់ នៅក្នុងដំណើរការផ្តាច់ល្បែងនេះ តាមរយៈអង្គការ Gamblers Anonymous, ដែលមិត្តភក្តិប្រុសស្រី ចែករំលែកបទពិសោធន៍របស់ពួកគេ និងជួយអ្នកដទៃឱ្យជាសះស្បើយពីបញ្ហាល្បែងស៊ីសង។
ប៉ុន្តែអាដាមជឿថា មនុស្សម្នាក់ៗគឺខុសគ្នាក្នុងការស្វែងរកផ្លូវដោះស្រាយបញ្ហាល្បែងស៊ីសងនេះ។
អ្នកខ្លះបានជោគជ័យដោយគ្រាន់តែទៅធ្វើការប្រឹក្សាជាមូលដ្ឋានប្រចាំសប្តាហ៍ ឬការផ្លាស់ប្តូរការងារ ឬការផ្លាស់ប្តូរកម្មវិធីនៃជីវិត ការធ្វើលំហាត់ប្រាណច្រើនជាងមុន ពោលគឺមានរបស់ជាច្រើនដែលមានប្រយោជន៍សម្រាប់មនុស្សគ្រប់គ្នា។Adam*, recovering from problem gambling
'ពាក់ម៉ាស់អុកស៊ីសែនឱ្យខ្លួនឯងជាមុនសិន'
វិធីគាំទ្រណាមួយក៏អាចមានប្រយោជន៍ដែរ ឱ្យតែផ្តល់ជូននូវការគាំទ្រដែលសមស្រប នេះបើតាមប្រសាសន៍របស់សាស្រ្តាចារ្យ Gainsbury។
លោកស្រីប្រដូចការដោះស្រាយបញ្ហាញៀនល្បែងទៅនឹងស្ថានភាពសង្រ្គោះបន្ទាន់នៅលើយន្តហោះ ដែលអ្នកដំណើរត្រូវបានណែនាំឱ្យពាក់ម៉ាស់ខ្យល់អ៊ុកស៊ីសែនខ្លួនឯងជាមុនសិន មុននឹងជួយអ្នកដទៃ។
វាមានសារៈសំខាន់សម្រាប់ពួកគេក្នុងការដឹងថា មានការគាំទ្រច្រើនសម្រាប់ពួកគេ ពួកគេមិនមែនដោះស្រាយដោយខ្លួនឯងទេ ... ចូរចងចាំសុភាសិតដែលថា ត្រូវពាក់បំពង់ខ្យល់អុកស៊ីសែនជួយខ្លួនឯងជាមុនសិន។Professor Gainsbury.
សេវាកម្មដែលមានមូលដ្ឋាននៅក្នុងរដ្ឋទាំងនេះ ផ្តល់នូវធនធាននិងការប្រឹក្សាតាមទូរសព្ទ អនឡាញ និងជួបមុខផ្ទាល់។
យុទ្ធនាការរបស់រដ្ឋាភិបាលញូសៅវែល The Number that Changed our Life មានគោលបំណងជួយប្រជាជនមកពីសហគមន៍ចម្រុះដែលកំពុងប្រឈមមុខនឹងបញ្ហាល្បែងស៊ីសង ហើយមិនដឹងច្បាស់អំពីរបៀបទទួលបានជំនួយ។
ចំណតដំបូងនៃការហៅទូរសព្ទសម្រាប់អ្នកដែលត្រូវការជំនួយនៅញូសៅវែលគឺ Gamble Aware តាមរយៈលេខ 1800 858 858។ គេហទំព័ររបស់ពួកគេមានបកប្រែជាភាសាសហគមន៍៥ភាសា រួមទាំង ភាសាអារ៉ាប់ ចិនកុកងឺ ឥណ្ឌា កូរ៉េ និង វៀតណាម ។
ការផ្តល់ប្រឹក្សាផ្នែកហិរញ្ញវត្ថុក៏មានផងដែរ។
លោកស្រី Wright ណែនាំថា ប្រសិនបើមានបំណុលគរឡើងដោយសារតែការញៀនល្បែងរបស់មនុស្សជាទីស្រឡាញ់របស់អ្នក ឬមានបញ្ហាហិរញ្ញវត្ថុ អ្នកអាចស្វែងរកការផ្តល់ប្រឹក្សាផ្នែកហិរញ្ញវត្ថុបាន។
មនុស្សជាច្រើននឹងស្វែងរកការគាំទ្រក្រៅផ្លូវការ។ ដូច្នេះ មិនថាជាអ្នកជំនាញខាងសុខភាព ឬការគាំទ្រនៅក្នុងសហគមន៍ ដូចជាមេដឹកនាំសហគមន៍ ឬអ្នកដឹកនាំសាសនា ឬក៏ជាការគាំទ្រនៅក្នុងក្រុមគ្រួសាររបស់ពួកគេនោះទេ។Professor Gainsbury.
“ការប្រឹក្សាមានផ្តល់ជូនជាភាសា50ភាសា សម្រាប់មនុស្សគ្រប់គ្នានៅទូទាំងរដ្ឋ។” លោកស្រី Wrigh។
នៅចុងបញ្ចប់ ដើម្បីជួយដល់នរណាម្នាក់ដែលមានបញ្ហាល្បែងស៊ីសង លោកស្រីនិយាយថា ត្រូវពួតដៃគ្នាលើកទឹកចិត្តពួកគេឱ្យស្វែងរកជំនួយពីអ្នកជំនាញ។
*មិនមែនជាឈ្មោះពិតរបស់គាត់ទេ។.
សម្រាប់ជំនួយសូមទូរសព្ទ ឬចុចលើតំណភ្ជាប់ខាងក្រោម៖
· National Gambling Helpline on 1800 858 858
