ក្រសួងសុខាភិបាលកម្ពុជាប្រកាសថា មានអ្នកឆ្លងជំងឺកូវីដ១៩ថ្មី១៥នាក់ និងជាសះស្បើយម្នាក់

កាលពីព្រឹកថ្ងៃទី១១ ខែសីហា ក្រសួងសុខាភិបាល បានប្រកាសថា នៅប្រទេសកម្ពុជា មានករណីឆ្លងជំងឺកូវីដថ្មី ចំនួន ១៥នាក់ទៀត និងម្នាក់ ជាសះស្បើយ។ អ្នកឆ្លងជំងឺកូវីដ១៩ថ្មីទាំង ១៥នាក់ គឺជាជនជាតិចិន ១៣នាក់ ដែលជាអ្នកដំណើរ មកពីប្រទេសហ្វីលីពីន តាមជើងហោះហើរ មកដល់កម្ពុជា នៅថ្ងៃទី០៩សីហា ដោយមានអ្នកដំណើរសរុប ១១៩នាក់។ រីឯស្ត្រីខ្មែរ ២នាក់ ម្តាយកូន ជាអ្នកដំណើរមកពីអាមេរិក ឆ្លងកាត់ប្រទេសចិន ( តៃវ៉ាន់ ) ដោយក្នុងជើងយន្តហោះ ដែលបានមកដល់កម្ពុជា កាលពីថ្ងៃទី០៩សីហា មានអ្នកដំណើរសរុប ៧៥នាក់។

Cambodia Ministry of Health spokeswoman Or Vandinn talks about Coronavirus in Cambodia Source: Facebook