ក្នុងនោះ មានករណីជូនលុយអនុរក្ស ១នាក់ ករណីប្រើប្រាស់ទូរសព្ទ ១នាក់ ករណីយកសំណៅ និងទូរសព្ទចូល ១នាក់ ករណីយកសំណៅ និងម៉ាស៊ីនគិតលេខចូល ១នាក់ ករណីយក Smart Watch ចូល ១នាក់ ករណីយកម៉ាស៊ីនគិតលេខចូល ១នាក់ ករណីយកសំណៅចូល ៥នាក់ និងករណីយកទូរសព្ទចូល ៤នាក់។
ក្រសួងអប់រំ ក៏បានលើកឡើងថា ករណីប្រព្រឹត្តខុសឆ្គងខាងលើ ត្រូវបានកើតឡើង នៅតាមមណ្ឌលសំណេរមួយចំនួន ក្នុងខេត្តតាកែវ៦នាក់ រាជធានីភ្នំពេញ ៣នាក់ ខេត្តកណ្តាល ២នាក់ ខេត្តពោធិ៍សាត់ ២នាក់ ខេត្តកែប ២នាក់ ខេត្តស្វាយរៀង ១នាក់ ខេត្តក្រចេះ ១នាក់ ខេត្តកំពង់ធំ ១នាក់ និងខេត្តមណ្ឌលគិរី ១នាក់។
ជាមួយគ្នានោះ លោកនាយករដ្ឋមន្ត្រី ហ៊ុន សែន គ្រោងនឹងជួបសិស្សឆ្នើមដែលប្រឡងជាប់បាក់ឌុបទទួលបាននិទ្ទេស A នៅឆ្នាំនេះ ចំនួន ៤០៥ នាក់ នៅព្រឹកថ្ងៃទី២១ខែកញ្ញា ឆ្នាំ២០១៦។ សិស្សឆ្នើមជាប់បាក់ឌុបទាំងនោះក៏នឹងទទួលរង្វាន់លើកទឹកចិត្តពីលោកនាយករដ្ឋមន្ត្រី ហ៊ុនសែន ផងដែរ៕
