ការរៀបចំបុណ្យចូលឆ្នាំចិនឆ្នាំ ២០១៨ នៅតំបន់ស្រ្ពីងវ៉ែល រដ្ឋ​វិចថូរៀ

កាលពីថ្ងៃអាទិត្យទី ១១ ខែកុម្ភៈ កន្លងទៅនេះ សមាគមពាណិជ្ជកម្ម ជនជាតិអាស៊ីតំបន់ស្ព្រីងវេល ហៅកាត់ថា«SABA» ជាមួយសាលាក្រុង Greater Dandenong បានរៀបចំពិធីបុណ្យចូលឆ្នាំចិនថ្មី ត្រូវនឹងឆ្នាំច ដោយមាន ការចូលរួម ជាច្រើនជាតិសាសន៍ នៅតំបន់លក់ទំនិញស្ព្រីងវេល។

---

នៅក្នុង​ពិធី​បើក​កម្មវិធី​ចូល​ឆ្នាំ​ចិន លោក​ Daniel Cheng ប្រធាន សមាគម​ពាណិជ្ជកម្ម​ជន​ជាតិ​អាស៊ី​តំបន់ ស្រ្ពីងវេល មាន​ប្រសាសន៍​ថា នេះគឺ​ជា​លើក​ទី ២៦ហើយ​ដែល សមាគម​បាន​រៀបចំ​ពិធី​ចូល​ឆ្នាំ​ចិន ហើយ​អ្វី​ដែល​ពិសេស​ជាងនេះ ទៅ​ទៀតនោះ​ ពិធីនេះ​ក៏​មាន​ការ​ចូល​រួម​ពី​ភ្ញៀវ​សំខាន់ៗ​រហូត​ដល់​ទៅ​ជាង ២០០នាក់ ព្រមទាំង​មាន​ការ​អញ្ជើញ​ចូល​រួម​ពីលោក Daniel Andrew ប្រមុខរដ្ឋ​ប្រចាំ​រដ្ឋ Victoria ផងដែរ។