ក្រុមសិទ្ធិមនុស្សអន្តរជាតិកំពុងតែព្រមានថា ការបោះឆ្នោតជ្រើសរើសលោក Donald Trump ធ្វើជាប្រធានាធិបតីសហរដ្ឋអាម៉េរិកចោទឡើងនូវការគម្រាមកំហែងគ្រោះថ្នាក់ខុសពីធម្មតាដល់បញ្ហាសិទ្ធិមនុស្ស។
របាយការណ៍ឃ្លាំមើលសិទ្ធិមនុស្សឆ្នាំ២០១៧ក៏បានលើកឡើងនូវការព្រួយបារម្ភពីការកើនឡើងនៃមេដឹកនាំប្រជាជននិយមក្នុងទ្វីបអឺរ៉ុបផងដែរ។
របាយការណ៍នេះនិយាយថា ចំណុចព្រួយបារម្ភក្នុងប្រទេសអូស្រ្តាលីរួមមានទាំងអ្វីដែលគេហៅថា ជាគោលនយោបាយជនភៀសខ្លួនដ៏សាហាវ ការធ្វើលើយុវវ័យជនជាតិដើមនៅក្នុងមន្ទីរឃុំឃាំង និងឥទ្ធិពលនៃច្បាប់ប្រឆាំងអំពើរភេរវកម្ម។






