ជនមិនស្គាល់មុខបានលួចដុតបំផ្លាញចោលនូវបញ្ជីឈ្មោះអ្នកបោះឆ្នោត កាលពីយប់ថ្ងៃទី៨ ខែមករា ឆ្នាំ២០១៧។ ហេតុការណ៍នោះបានកើតឡើងនៅគល់ស្ពាន ក្នុងភូមិបុរីកម្មករ សង្កាត់រការធំ ក្រុងច្បារមន ខេត្តកំពង់ស្ពឺ។
បញ្ជីឈ្មោះអ្នកបោះឆ្នោតដែលចោរលួចដុតនោះមានចំនួន ១៣ភូមិ ១៦ការិយាល័យ ៥៨០សន្លឹក ដោយមានអ្នកបោះឆ្នោតចំនួន ៥៧៩២នាក់។
ប៉ូលិសមូលដ្ឋានបានរកឃើញវត្ថុតាងមួយចំនួន។
លោកហង្សពុទ្ធា សមាជិក និងជាអ្នកនាំពាក្យគជប លើកឡើងថា គជប មិនទាន់ទទួលបានដំណឹងនោះនៅឡើយទេ។ តែយ៉ាងណាក៏ដោយ ករណីនេះគឺមិនប៉ះពាល់ដល់បញ្ជីឈ្មោះអ្នកបោះឆ្នោតនៅក្នុងសង្កាត់រការធំនោះទេ៕
Share
