ផ្លូវដែក​ថ្មី​មួយខ្សែ​ទៀត​ពី​ស្ថានីយ​កណ្តាល​ទៅ​តំបន់​សេដ្ឋកិច្ច​ពិសេស​ភ្នំពេញ នឹងតភ្ជាប់​រួចរាល់នៅ​​ឆ្នាំ២០១៨នេះ

លោក ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានប្រកាសថា ផ្លូវដែកថ្មីមួយខ្សែទៀត ពីស្ថានីយកណ្តាល នៅរាជធានីភ្នំពេញ ទៅកាន់តំបន់សេដ្ឋកិច្ចពិសេសភ្នំពេញ តាមផ្លូវជាតិលេខ៤ ដែលជាមជ្ឈមណ្ឌលប្រមូលផ្តុំរោងចក្រសហគ្រាស នឹងត្រូវតភ្ជាប់ឲ្យបានរួចរាល់ នៅមុនដំណាច់ឆ្នាំ២០១៨នេះ។

Train line in Phnom Penh, Cambodia Source: Meng Phalla

លោករដ្ឋមន្ត្រី ស៊ុន ចាន់ថុល បញ្ជាក់ថា ការតភ្ជាប់ផ្លូវដែក​ថ្មីមួយខ្សែនេះ ដើម្បីសម្រួលដល់ការធ្វើដំណើររបស់កម្មករ​ កម្មការិនី ដែលធ្វើការនៅទីនោះជាង១ម៉ឺននាក់។