មានការផ្ទុះគ្រាប់បែកមួយទៀតហើយនៅប្រទេសតួគី។មន្ត្រីប៉ូលិស៧នាក់បានស្លាប់និងមនុស្សជិត៣០នាក់ផ្សេងទៀតរងរបួសនៅក្នុងហេតុការណ៍ផ្ទុះគ្រាប់បែកក្នុងរថយន្តមួយនៅទីក្រុង Diyarbakir ប្រទេសតួគី។
អាជ្ញាធរនិយាយថា ឡានផ្ទុកដោយគ្រឿងផ្ទុះឈប់ចតចោលមួយគ្រឿងត្រូវបានគេបញ្ជារឲ្យផ្ទុះ ខណៈដែលឡានក្រុងធុនតូចមួយគ្រឿងដែលដឹកមន្រ្តីប៉ូលិសបានបត់នៅផ្លូវកាច់ជ្រុងដ៏មមាញឹកមួយក្នុងក្រុង Diyarbakir។
មន្រ្តីប៉ូលិស៧នាក់បានស្លាប់និង១៣នាក់ផ្សេងទៀតរងរបួស។ ជនស៊ីវិល១៤នាក់ផ្សេងទៀតក៏រងរបួសក្នុងហេតុការណ៍នេះផងដែរ។
រហូតមកទល់នឹងពេលនេះនៅមិនទាន់មាននរណាម្នាក់ចេញមុខទទួលខុសត្រូវលើបន្ទុះគ្រាប់បែកនេះនៅឡើយនោះទេ។
Share
