ថៃកោះហៅទូតខ្មែរទៅទទួលលិខិតតវ៉ា ពាក់ព័ន្ធនឹងការបែកធ្លាយសំឡេងសន្ទនានាយករដ្ឋមន្រ្តីថៃនិងលោកហ៊ុន សែន
លោក ហ៊ុន សែន ប្រធានគណបក្សប្រជាជនកម្ពុជា Source: Getty
ក្រសួងការបរទេសថៃ នៅព្រឹកថ្ងៃទី១៩ ខែមិថុនា ឆ្នាំ២០២៥ បានកោះហៅឯកអគ្គរាជទូតកម្ពុជា ប្រចាំប្រទេសថៃ ដើម្បីប្រគល់លិខិតតវ៉ាមួយ បន្ទាប់ពីការសន្ទនាតាមទូរស័ព្ទរវាងលោកស្រីនាយករដ្ឋមន្ត្រីថៃ ផែថុងថាន ស៊ីណាវ៉ាត្រា និងប្រធានគណបក្សប្រជាជនកម្ពុជា លោក ហ៊ុន សែន ត្រូវបានផ្សព្វផ្សាយ លើបណ្តាញសង្គម កាលពីថ្ងៃទី១៨ មិថុនា។ អ្នកនាំពាក្យក្រសួងការបរទេសថៃ បានប្រកាស នៅក្នុងសន្និសីទកាសែត កាលពីរសៀលថ្ងៃទី១៩ ខែមិថុនាថា ការបែកធ្លាយនៃការសន្ទនាជាង ១៧នាទីនេះ គឺជា «ការរំលោភលើក្រមសីលធម៌ការទូត ការរំលោភទំនុកចិត្តធ្ងន់ធ្ងរ និងបំផ្លាញការប្រតិបត្តិរវាងប្រទេសជិតខាងទាំងពីរ»។
Share
