អូស្រ្តាលីកំពុងពិនិត្យឡើងវិញលើរបកគំហើញរបស់សហភាពអឺរ៉ុបលើទំនាក់ទំនងថ្នាំវ៉ាក់សាំង AstraZeneca និងបញ្ហាឈាមកកក្នុងសរសៃឈាម
Source: Getty images
រដ្ឋាភិបាលសហព័ន្ធបានស្នើឱ្យនិយតករផ្នែកវេជ្ជសាស្រ្តនិងវ៉ាក់សាំងអូស្រ្តាលីពិនិត្យឡើងវិញជា បន្ទាន់នូវការរកឃើញពីទីភ្នាក់ងារថ្នាំអឺរ៉ុប (EMA) អំពីការផ្សារភ្ជាប់គ្នាដ៏មានសក្តានុពល រវាងវ៉ាក់សាំងបង្ការកូវីដ-១៩ AstraZeneca និងបញ្ហាឈាមកកក្នុងសរសៃឈាមដ៏កម្រ។ វាកើតឡើងនៅពេលថ្នាក់ដឹកនាំរដ្ឋនិងដែនដីរបស់អូស្រ្តាលីត្រៀមជួបប្រជុំគ្នានៅថ្ងៃទី៩ ខែមេសា ដើម្បីពិភាក្សាពីការសម្រេចចិត្តរបស់ចក្រភពអង់គ្លេស ក្នុងការផ្តល់ឱ្យមនុស្សដែលមានអាយុក្រោម ៣០ ឆ្នាំ នូវជម្រើសផ្សេង ជំនួសឲ្យវ៉ាក់សាំង AstraZeneca ដោយសារតែទំនាក់ទំនងដែលអាចកើតមាននូវបញ្ហាឈាមកកក្នុងសរសៃឈាមនេះ។
Share
