អាជ្ញាធរអូស្រ្តាលីបានបន្តបង្កើនកិច្ចខិតខំប្រឹងប្រែងរក្សាសន្តិសុខនៅក្នុងប្រទេសរបស់ខ្លួនបន្ទាប់ពីបន្ទុះគ្រាប់បែកនៅក្នុងទីក្រុងManchesterរួចមក។រដ្ឋាភិបាលសហព័ន្ធចង់ធ្វើឲ្យមានទំនុកចិត្តជាថ្មីថាប្រជាជនខ្លួនមានសុវត្ថិភាព ហើយអូស្រ្តាលីត្រៀមខ្លួនរួចជាស្រេចចំពោះការគម្រាមកំហែងនានាដែលអាចកើតមានឡើង។
គេនឹងឃើញមានការបង្កើនសន្តិសុខនៅក្នុងក្រុងស៊ីដនីខណៈដែលពិធីតាំងបង្ហាញភ្លើងប្រចាំឆ្នាំ Vivid show កំពុងតែប្រព្រឹត្តទៅ។
បង្គោលនិងរនាំងការពារសន្តិសុខបានដាក់ចេញរួចហើយ រួមជាមួយនឹងប៉ូលិសល្បាតដែលស្ថិតនៅក្នុងសម្លៀកបំពាក់ស៊ីវិល ការឈ្លបមើលពីលំហរអាកាស និងឆ្កែហិតក្លិនផងដែរ។
នៅក្នុងទីក្រុងម៉ែលប៊ិនវិញ ប៉ូលិសបានធ្វើតេស្តសាកល្បងប្រព័ន្ធឆ្លើយតបគ្រោះអាសន្ននៅទីលានប្រកួតកីឡាគ្រីកឃីតMCG៕
Share
