អ្នកទោសអូស្រ្តាលីម្នាក់នៅកម្ពុជា សុំបន្ធូរបន្ថយទោសដើម្បីព្យាបាលជំងឺមហារីក

គិលានុបដ្ឋាយិកាអូស្រ្តាលីម្នាក់ដែលជាប់ពន្ធធនាគារនៅក្នុងប្រទេសកម្ពុជាពីបទពាក់ព័ន្ធនឹងប្រតិបត្តិការណ៍ជួលគេពរពោះដោយខុសច្បាប់និយាយថានាងមានជំងឺមហារីក ហើយនាងបានប្តឹងឧទ្ធរណ៍សុំបន្ថយទោសដើម្បីទទួលការព្យាបាល។

---

អ្នកនាង Tammy Davis Charles ត្រូវ​បាន​អាជ្ញាធរ​ចាប់​ខ្លួន​នៅ​ចុង​ឆ្នាំ​២០១៦ ​បន្ទាប់​ពី​មានការ​ហាមឃាត់​មិន​ឲ្យ​មាន​ការ​ស៊ីឈ្នួល​ពរពោះ​កើតកូន​ក្នុង​ប្រទេស​កម្ពុជា។

នាង​ត្រូវ​ជាប់​ពន្ធនាគារ​រយៈពេល​១៨ខែ បន្ទាប់​ពី​តុលាការ​បាន​រក​ឃើញ​ថា​នាង​មានកំហុស​ក្នុង​ខែ​សីហា​ឆ្នាំ​២០១៧។

អ្នកនាង Tammy Davis Charles ត្រូវ​ជាប់​ពន្ធនាគារ​មិន​ដល់​៥​ខែ​ទៀតនោះទេ ប៉ុន្តែ​នាង​និយាយថា នាង​មិន​អាច​រង់​ចាំ​នៅ​ក្នុង​ពន្ធនាគារ​ប្រទេស​កម្ពុជា​ទៀត​បាន​ឡើយ។

កាសែត​ភ្នំពេញ​ប៉ុស្តិ៍​រាយការណ៍ថា គិលានុបដ្ឋាយិកា​ដែល​ជាអ្នក​រស់នៅ​ទី​ក្រុង​ម៉ែលប៊ិន​រូប​នេះ​ មាន​លិខិត​បញ្ជាក់​ថា ភ្នែកខាង​ឆ្វេង​របស់នាង​មានជំងឺ​មហារីក​ ។

គេរំពឹងថា នឹង​មាន​សេចក្តី​សម្រេច​លើ​ការ​ប្តឹង​ឧទ្ធរណ៍​របស់​នាង​នៅ​ថ្ងៃ​ទី​៨​មករា​ខាង​មុខ​នេះ៕