ហេតុអ្វីបាន​ជា​ពលរដ្ឋ​អូស្រ្តាលី​ជា​ច្រើន​លុបចោល​ការធានារ៉ាប់រង​សុខភាព​ឯកជន?

តួលេខថ្មីបង្ហាញពីការកើនឡើងនៃចំនួនពលរដ្ឋអូស្រ្តាលីដែលកំពុងតែលុបចោលនូវការធានារ៉ាប់រងសុខភាពឯកជន(private health insurance) របស់ពួកគេ។ តើមកពីមូលហេតុអ្វី? តើដោយសារតែពួកគេមានអារម្មណ៍ថាថ្លៃពេកឬ?

---

ទិន្នន័យប្រចាំ​ត្រី​មាស​មក​ពី APRA បង្ហាញ​ពី​ភាគរយ​នៃ​ពលរដ្ឋ​អូស្រ្តាលី​ដែល​ទិញ​ធានា​រ៉ាប់​រង​គ្រប​ដណ្តប់​លើ​សេវាកម្ម​មន្ទីរ​ពេទ្យ (Hospital cover) បាន​ធ្លាក់​ចុះ​មក​នៅ​ត្រឹម​តែ​ជាង​៤៥%កន្លះ​តែ​ប៉ុណ្ណោះ គឺ​ជា​ភាគរយ​ទាប​បំផុត​ក្នុង​ពេល​៧​ឆ្នាំ​មក​នេះ។

មនុស្ស​១២០០០​នាក់​បាន​លុប​ចោល​ទាំង​ស្រុង នូវ​ការ​ធានារ៉ាប់រង​ផ្នែក​មន្ទីរពេទ្យ (Hospital cover)  ដោយការ​ស្ទង់​មតិមួយ​ធ្វើឡើង​ដោយ​ក្រុម​អ្នក​ប្រើប្រាស់ Choice រកឃើញថា 70%​នៃ​អ្នក​ទាំង​នោះ​និយាយថា វាថ្លៃ​ខ្លាំង​ពេក។