កងទ័ពកម្ពុជាបញ្ជូនលិខិតអញ្ជើញលើកទីពីរ ទៅកងទ័ពភូមិភាគទី២ របស់ថៃ មកចូលរួមកិច្ចប្រជុំព្រំដែន

កាលពីថ្ងៃទី៧ ខែតុលា ឆ្នាំ២០២៥ កងទ័ពកម្ពុជា នៅយោធភូមិភាគទី៤ បានបញ្ជូនលិខិតអញ្ជើញជាលើកទីពីរ ទៅកាន់កងទ័ពភូមិភាគទី២ របស់ថៃ ឲ្យមកចូលរួមកិច្ចប្រជុំគណៈកម្មាធិការព្រំដែន ថ្នាក់យោធភូមិភាគកម្ពុជា-ថៃ (RBC) ដែលគ្រោងនឹងរៀបចំធ្វើ នៅថ្ងៃទី១៥ ដល់ថ្ងៃទី១៧ ខែតុលា នៅខេត្តឧត្តរមានជ័យ ដែលកម្ពុជានឹងធ្វើជាម្ចាស់ផ្ទះ។ លិខិតអញ្ជើញនេះ បានធ្វើឡើង បន្ទាប់ពីលិខិតអញ្ជើញលើកទីមួយ ដែលបានផ្ញើ កាលថ្ងៃទី៣០ ខែកញ្ញា ឆ្នាំ២០២៥ ដោយភាគីថៃ មិនឆ្លើយតប។