កម្ពុជាមានគម្រោងរៀបចំកិច្ចប្រជុំពិគ្រោះនយោបាយរវាងក្រសួងការបរទេសកម្ពុជា និងទួរគី នៅក្នុងខែឧសភា ឆ្នាំ២០១៨។
បន្ទាប់មក នឹងមានដំណើរទស្សនកិច្ចរបស់រដ្ឋមន្ត្រីការបរទេសកម្ពុជា ទៅកាន់ប្រទេសទួរគី មុនពេលនាយករដ្ឋមន្ត្រីកម្ពុជា ទៅបំពេញទស្សនកិច្ច នៅប្រទេសទួរគី ក្នុងឆ្នាំ២០១៨នេះ។
មកដល់បច្ចុប្បន្ន កម្ពុជា និងទួរគី មានកិច្ចព្រមព្រៀងមួយចំនួន កំពុងអនុវត្តជាមួយគ្នា ដូចជា កិច្ចព្រមព្រៀងសេវាកម្ម អាកាសចរណ៍ កិច្ចព្រមព្រៀងស្តីពីការជំរុញ និងការការពារវិនិយោគទុន និងកិច្ចព្រមព្រៀង ស្តីពីវិស័យទេសចរណ៍។
ប្រទេសទាំងពីរ ក៏បានសន្យារួមគ្នាថា នឹងបង្កើនទំហំពាណិជ្ជកម្ម ដល់ ៥០០លានដុល្លារ នៅឆ្នាំ២០២០ ហើយកម្ពុជាក៏កំពុងស្នើឲ្យប្រទេសទួរគី ជួយទិញអង្ករ និងបើកជើងហោះហើរត្រង់ពីទួរគី មកកាន់កម្ពុជា ដើម្បីទាក់ទាញកំណើនភ្ញៀវទេសចរ នៅកម្ពុជា៕
