នៅថ្ងៃ១៥កើត ខែមាឃ ត្រូវនឹងថ្ងៃទី១៩ ខែកុម្ភៈ ជាថ្ងៃបុណ្យមាឃបូជា ដែលប្រជាពលរដ្ឋកម្ពុជា បានប្រារព្ធឡើងយ៉ាងអធិកអធ័ម តាមរយៈការជួបជុំ និងហែក្បួនធម្មយាត្រា។
ពិធីបុណ្យមាឃបូជា ត្រូវបានប្រារព្ធឡើងតាមវត្តអារាមទូទាំងប្រទេស ជាពិសេសពិធីបុណ្យធំ បានធ្វើឡើងនៅព្រះសក្យមុនីចេតីយ៍ ភ្នំឧដុង្គ ក្នុងស្រុកពញាឮ ខេត្តកណ្តាល នៅពេលព្រឹក ហើយនៅពេលរសៀល ក៏មានការជួបជុំដង្ហែក្បួនធម្មយាត្រា នៅតាមផ្លូវនានា ដោយមានព្រះសង្ឃរាប់រយអង្គ និងពុទ្ធបរិស័ទរាប់រយនាក់ ចូលរួម ដូចជា នៅវត្តនិក្រោធវ័ន្ត គល់ទទឹង ជិតក្រុងតាខ្មៅ ខេត្តកណ្តាល ក៏ដូចជា នៅវត្តដំណាក់ ទីរួមខេត្តសៀមរាប ជាដើម។
Share
