កម្ពុជាប្រារព្ធទិវារំលឹកវិញ្ញាណក្ខន្ធកងកម្លាំងរក្សាសន្តិភាពក្រោមឆ័ត្រអង្គការសហប្រជាជាតិ

កាលពីព្រឹកថ្ងៃទី២៦ ខែឧសភា ឆ្នាំ២០២២ កម្ពុជាបានរៀបចំទិវារំលឹកវិញ្ញាណក្ខន្ធ ជូនកងកម្លាំងរក្សាសន្តិភាព ដែលបានពលីជីវិត អំឡុងពេលបំពេញបេសកកម្ម ក្នុងក្របខណ្ឌកងទ័ពមួកខៀវរបស់អង្គការសហប្រជាជាតិ។ ពិធីជួបជុំ នៅសាលាហ្វឹកហ្វឺនកងកម្លាំងរក្សាសន្តិភាពពហុសាសន៍ ក្នុងខេត្តកំពង់ស្ពឺ បានផ្អាករយៈពេល ២ឆ្នាំកន្លងមក ដោយសារតែការឆ្លងរាលដាលជំងឺកូវីដ១៩។ ពិធីជួបជុំនេះ ចូលរួមដោយមន្តី្រជាន់ខ្ពស់របស់រាជរដ្ឋាភិបាលកម្ពុជា មន្តី្រមជ្ឈមណ្ឌលជាតិរក្សាសន្តិភាព តំណាងអ្នកសម្របសម្រួលអង្គការសហប្រជាជាតិប្រចាំកម្ពុជា តំណាងស្ថានទូតនានា និងក្រុមគ្រួសាររបស់វីរយុទ្ធជន ដែលបានពលីផងដែរ។

Source: Meng Phalla