កម្ពុជាស្ថិតនៅចំណាត់ថ្នាក់ទី១៦៣ ក្នុងចំណោមប្រទេសចំនួន ១៨២ ដែលមានអំពើពុករលួយ

របាយការណ៍របស់អង្គការតម្លាភាពអន្តរជាតិ (CPI )ចេញផ្សាយនៅថ្ងៃអង្គារ ទី១០ ខែកុម្ភៈ ឆ្នាំ២០២៦ បានបង្ហាញថា នៅឆ្នាំ២០២៥ កន្លងមក កម្ពុជា ស្ថិតនៅចំណាត់ថ្នាក់ទី១៦៣ ក្នុងចំណោមប្រទេសចំនួន១៨២ ដែលមានអំពើពុករលួយ។

---

ចំណាត់ថ្នាក់នេះ បង្ហាញថា ស្ថានភាពអំពើពុករលួយនៅកម្ពុជា កាន់តែធ្ងន់ធ្ងរខ្លាំងជាងមុន ព្រោះកាលពីឆ្នាំ២០២៤ កន្លងទៅ កម្ពុជាឈរនៅលេខរៀងទី១៥៨ ក្នុងចំណោម ១៨០ប្រទេស។

លោក សយ ច័ន្ទវិចិត្រ អ្នកនាំពាក្យអង្គភាពប្រឆាំងអំពើពុករលួយ បានច្រានចោល និងចាត់ទុករបាយការណ៍នេះថា មិនបានឆ្លុះបញ្ចាំងពីការពិតជាក់ស្តែង ដែលកើតមាននៅកម្ពុជា នាពេលបច្ចុប្បន្នឡើយ។

ចំណែកលោកបណ្ឌិត យង់ ពៅ អ្នកជំនាញវិទ្យាសាស្ត្រនយោបាយ បានលើកឡើងថា ចំណាត់ថ្នាក់ ដែលគេចុះបញ្ជីនោះ វាមានរបៀបវារៈរបស់គេមួយ។ រីឯកម្ពុជាខ្លួនឯង ក៏ត្រូវមានរបៀបវារៈកំណែទម្រង់ឱ្យជាក់ស្ដែង ឱ្យប្រាកដនិយម និងឱ្យលើសពីក្រដាស។

🎧ស្តាប់​ផតខាស្តិ៍​ដទៃ​ទៀត​ជាភាសាខ្មែរ - Click here for more podcast in Khmer៕