កម្ពុជាផ្តល់ជំនួយ ១០ម៉ឺនដុល្លារអាមេរិកជួយប្រទេសតួកគី ក្រោយគ្រោះរញ្ជួយដី

រាជរដ្ឋាភិបាលកម្ពុជា តាមរយៈក្រសួងការបរទេស កាលពីថ្ងៃទី៨ ខែកុម្ភៈ បានសម្រេចបរិច្ចាគវិភាគទាន ជាទឹកប្រាក់ ១០ម៉ឺនដុល្លារអាមេរិក ជាជំនួយមនុស្សធម៌ ដើម្បីជួយដល់កិច្ចខិតខំប្រឹងប្រែងជួយសង្រ្គោះ និងចូលរួមជួយសម្រាលទុក្ខលំបាករបស់រដ្ឋាភិបាល និងប្រជាជនតួកគី ក្រោយពីប្រទេសនេះ បានរងផលប៉ះពាល់ធ្ងន់ធ្ងរដោយសារគ្រោះរញ្ជួយដីកម្រិត ៧.៨ រ៉ិចទ័រ នៅខេត្តភាគអាគ្នេយ៍ កាលពីថ្ងៃទី៦ ខែកុម្ភៈ ឆ្នាំ ២០២៣ កន្លងទៅ។

---