រាជរដ្ឋាភិបាលកម្ពុជា ចំណាយជិត ១លាន ៥សែនដុល្លារអាមេរិក ដល់កម្មការិនី ដែលសម្រាលកូន

រាជរដ្ឋាភិបាលកម្ពុជា បានចំណាយថវិកាសរុបប្រមាណជិត ១លាន ៥សែនដុល្លារអាមេរិក ដល់កម្មការិនី សម្រាលកូនប្រមាណជិត ១ម៉ឺន ៥ពាន់នាក់ តាមរយៈបេឡាជាតិរបបសន្តិសុខសង្គម ហៅកាត់ថា ប.ស.ស នៅក្នុងត្រីមាសទី១ រយៈពេល ៣ ខែក្នុងឆ្នាំ២០១៨នេះ។

Baby bonus to factory workers in Cambodia Source: Facebook

ក្នុងនោះ​ កម្មការិនី​ បម្រើការងារក្នុងវិស័យកាត់ដេរ និងផលិតស្បែកជើង ​ទទួល​បាន​កញ្ចប់​អត្ថប្រយោជន៍​នេះច្រើនជាងគេ​​។ នេះ​បើ​តាម​លោក អ៊ុក សមវិទ្យា ប្រតិភូ​រាជ​រដ្ឋាភិបាល​ ទទួល​បន្ទុក​ជា​អគ្គ​នាយក​ ប.ស.ស។