កម្ពុជាត្រៀមវិធានការលើអ្នកកើតកូវីដ ខណៈដែល​ចំនួន​អ្នក​ទៅ​ចាក់​ថ្នាំវ៉ាក់សាំង​កើនឡើង

ក្នុងសារជាសំឡេង កាលពីរសៀលថ្ងៃទី៩ ខែមីនា ឆ្នាំ២០២១ លោកនាយករដ្ឋមន្ត្រី ហ៊ុន សែន បានប្រកាសនូវវិធានការថា បើសិនជាមានអ្នកជំងឺកូវីដ១៩ ណាម្នាក់ ស្លាប់នៅកម្ពុជាយើង នោះរាជរដ្ឋាភិបាល សម្រេចយកសពទៅបូជា ដោយមិនកប់សពអ្នកជំងឺកូវីដនោះទេ ទោះបីជាខុសនឹងទំនៀមទម្លាប់របស់ជនជាតិខ្លះក៏ដោយ ។ ខណៈដែលចំនួនអ្នកបានចាក់វ៉ាក់សាំងបង្ការជំងឺកូវីដ១៩ កើនឡើងដល់ចំនួន ១៨៨០២៦នាក់ហើយ គិតត្រឹមថ្ងៃទី៩ ខែមីនា ឆ្នាំ២០២១។

កម្ពុជា កំពុងដំណើរការចាក់វ៉ាក់សាំងបង្ការជំងឺកូវីដ១៩ ដូសទី៣ ដល់អាជ្ញាធរ និងសមត្ថកិច្ច នៅខេត្តជាប់ព្រំដែនថៃ និងកងទ័ព។ Source: Meng Phalla