រដ្ឋមន្ត្រីការពារជាតិកម្ពុជា ព្រមានប្រើវិធានការផ្លូវច្បាប់ ចំពោះអ្នកយកបញ្ហាព្រំដែនទៅបង្កើតព័ត៌មានក្លែងក្លាយ

កាលពីព្រឹកថ្ងៃទី២៧ ខែសីហា រាជរដ្ឋាភិបាលកម្ពុជា បានរៀបចំពិធីប្រគល់ផែនទី ដែលមានឋានលេខាព្រំដែនគោកកម្ពុជា-វៀតណាម ខ្នាត ១ លើ ២៥ពាន់ ( ១/២៥០០០ ) ប្រគល់ជូនក្រសួង ស្ថាប័ន និងអង្គភាព ចំនួន ៣៥ ដើម្បីយកទៅប្រើប្រាស់។ ក្នុងពិធីប្រគល់-ទទួលផែនទី កាលពីព្រឹកថ្ងៃទី២៧ ខែសីហា នៅទីស្តីការគណៈរដ្ឋមន្ត្រី លោកឧបនាយករដ្ឋមន្ត្រី ទៀ បាញ់ រដ្ឋមន្រ្តីក្រសួងការពារជាតិ បានផ្ញើសារ ព្រមាន ដោយប្រើវិធានការផ្លូវច្បាប់ ចំពោះអ្នកយកបញ្ហាព្រំដែន ទៅបង្កើតព័ត៌មានក្លែងក្លាយ ក្នុងចេតនាកេងចំណេញនយោបាយ បង្កចលាចលដល់សង្គមជាតិ។

Source: Meng Phalla