តុលាការ​ចោទ​ប្រកាន់​ប៉ូលិស​ស័ក្តិ ៤ ដែល​ប្រើ​អំពើ​ហិង្សា​លើ​មន្ត្រី​ចរាចរណ៍​ ពីរ​បទល្មើស

កាលពីថ្ងៃទី១១ ខែមករា ព្រះរាជអាជ្ញាតុលាការសាលាដំបូងរាជធានីភ្នំពេញ បានសម្រេចចោទប្រកាន់លើមន្ត្រីប៉ូលិសសក្តិ៤ ម្នាក់ ចំនួនពីរបទល្មើស គឺទី១.ហិង្សាដោយចេតនាមានស្ថានទម្ងន់ទោស និងទី២.ប្រើប្រាស់ដោយគ្មានសិទ្ធិនូវសញ្ញាសម្គាល់ ដែលកំណត់ដោយអាជ្ញាធរសាធារណៈ។

ប៉ូលិសស័ក្តិ ៤ ដែលប្រើអំពើហិង្សាលើមន្ត្រីចរាចរណ៍ត្រូវបានចាប់ខ្លួនបញ្ជូនទៅព្រៃស Source: Meng Phalla

បន្ទាប់ពី​ចោទ​ប្រកាន់ ប៉ូលិស​ស័ក្តិ​៤​នោះ ត្រូវ​បាន​បញ្ជូន​ទៅ​ឃុំ​ឃាំង​នៅ​ពន្ធនាគារ​ព្រៃស ដើម្បី​រង់ចាំ​ការ​ស៊ើបអង្កេត​។

ប៉ូលិសស័ក្តិ​៤នោះ ​បាន​ប្រើ​អំពើ​ហិង្សា ​ទៅ​លើ​មន្ត្រី​ចរាចរណ៍​ជាប់​​កិច្ចសន្យា ដោយសារ​តែ​មន្ត្រី​ចរាចរណ៍​នោះ បាន​ឃាត់​រថយន្ត​របស់​ប៉ូលិស​ស័ក្តិ​៤ ដែល​បើក​ខុស​ច្បាប់​ នៅ​តាម​ផ្លូវ ម្តុំ​ត្រឡោក​បែក ក្នុង​រាជធានី​ភ្នំពេញ​ កាលពី​ថ្ងៃ​ទី៩ ខែមករា ឆ្នាំ២០១៨ ៕