មន្រ្តី​បក្ស​ប្រឆាំង​នៅ​កម្ពុជាម្នាក់​ទៀត​ ត្រូវ​បាន​ចាប់​ខ្លួន​ពីបទ​ក្លែង​បន្លំ​ឯកសារ​សាធារណៈ

ស្នងការនគរបាលរាជធានីភ្នំពេញ បានប្រកាសថា ការចាប់ខ្លួនលោក ឌឿន ឆាន ចៅសង្កាត់រងទី២នៃសង្កាត់ស្ទឹងមានជ័យទី១ ខណ្ឌមានជ័យ មកពីគណបក្សភ្លើងទៀន គឺជាការអនុវត្តតាមដីការបស់អយ្យការអមសាលាដំបូងរាជធានីភ្នំពេញ។ ប៉ូលិសរាជធានីភ្នំពេញ ទទួលបានពាក្យបណ្តឹងរបស់ឈ្មោះ ឡេង វ៉ាន់ឌី ដែលបានប្តឹងចោទថា លោក ឌឿន ឆាន បានប្រព្រឹត្តសកម្មភាពក្លែងបន្លំឯកសារសាធារណៈ។ ចំណែកគណបក្សភ្លើងទៀន ចាត់ទុកសកម្មភាពចាប់ខ្លួនសកម្មជនរបស់ខ្លួននេះ ថាមានគោលបំណងរារាំងការធ្វើសកម្មភាពនយោបាយស្របច្បាប់របស់សកម្មជនគណបក្សភ្លើងទៀន នៅទូទាំងប្រទេស។

---

🎧ស្តាប់​ផតខាស្តិ៍​ដទៃ​ទៀត​ជាភាសាខ្មែរ - Click here for more podcast in Khmer៕