កម្ពុជាត្រៀមកញ្ចប់ថវិកាប្រមាណ ៨០០លានទៅ ២ពាន់លានដុល្លារ ដើម្បីដោះស្រាយផលប៉ះពាល់សេដ្ឋកិច្ចពីវិបត្តិកូវីត១៩

លោកនាយករដ្ឋមន្ត្រី ហ៊ុន សែន បានប្រកាសពីការត្រៀមកញ្ចប់ថវិកាចន្លោះពីប្រមាណ ៨០០លានដុល្លារ ទៅ ២ពាន់លានដុល្លារសហរដ្ឋអាមេរិក ដើម្បីដោះស្រាយផលប៉ះពាល់សេដ្ឋកិច្ចពីវិបត្តិកូវីត១៩ ចន្លោះពេលពី ៦ខែ ទៅ ១ឆ្នាំ ក្នុងករណីប្រសិនបើវីរុសកូរ៉ូណា ឬកូវីត១៩ អាចផ្ទុះឡើងខ្លាំងក្លានៅកម្ពុជា។ សម្រាប់រាជរដ្ឋាភិបាលកម្ពុជា ស្ថានភាពវីរុសកូវីត បច្ចុប្បន្ន មិនទាន់ដល់កម្រិតធ្ងន់ធ្ងរនោះទេ ពោលគឺកម្ពុជារកឃើញអ្នកផ្ទុកវីរុសនេះ ៣ករណីប៉ុណ្ណោះ ក្នុងនោះ ក៏គ្មានពលរដ្ឋកម្ពុជាណាម្នាក់ ស្លាប់ ដោយសារវីរុសកូវីត១៩នេះនោះដែរ។

Cambodia Prime Minister Hun Sen Source: SPM Page