កម្ពុជា ប្រកាសថានឹងទិញវ៉ាក់សាំងប្រឆាំងមេរោគកូវីដ១៩ ចំនួន ២០លានដូស
Source: AFP
តាំងពីយប់ថ្ងៃទី៧ ខែធ្នូ បន្តដល់ថ្ងៃទី៨ ខែធ្នូម្សិលមិញ លោកនាយករដ្ឋមន្ត្រី ហ៊ុន សែន បានប្រកាសពីបំណងទិញវ៉ាក់សាំងប្រឆាំងមេរោគកូវីដ១៩ សម្រាប់ចាក់ជូនប្រជាជនកម្ពជា ដោយឥតគិតថ្លៃ ឱ្យបាន ១០លាននាក់ ដែលត្រូវការវ៉ាក់សាំង រហូត ២០លានដូស។ ប៉ុន្តែតម្រូវការចំពោះមុខ នាដំណាក់កាលទីមួយនេះ លោកនាយករដ្ឋមន្ត្រី ហ៊ុន សែន បានប្រកាសទិញវ៉ាក់សាំង ចំនួន ១លានដូស សម្រាប់ចាក់ជូន ប្រជាជនកម្ពុជា ដោយឥតគិតថ្លៃ ចំនួន ៥០ម៉ឺននាក់ ដែលកំពុងបំពេញការងារនៅកន្លែង ដែលមានហានិភ័យ និងកំពុងមានហានិភ័យ។ ជាអាទិភាពវ៉ាក់សាំងនេះ នឹងផ្តល់ជូនគ្រូពេទ្យ គ្រូបង្រៀន កម្លាំងប្រដាប់អាវុធគ្រប់ប្រភេទ នគរបាលយុត្តិធម៌គ្រប់ប្រភេទ រហូតដល់កម្មករបោសសំរាមសំអាតទីក្រុង ទីប្រជុំជន។ល។ ដែលត្រូវទទួលបានវ៉ាក់សាំង នៅដំណាក់កាលទីមួយនេះ។
Share
