ពលរដ្ឋខ្មែរយ៉ាងហោចណាស់១៧នាក់ស្លាប់ និងរបួស៧៧នាក់ ដោយសារតែសង្រ្គាមព្រំដែនកម្ពុជា-ថៃកំពុងបន្ត

ប្រជាជនខ្មែរប្រមូលផ្តុំគ្នានៅខាងមុខវិមានសភារដ្ឋវិចថូរៀ កាលពីថ្ងៃ អាទិត្យ ទី១៤ ធ្នូ ២០២៥ ដើម្បីទាមទាររកសន្តិភាពជូនកម្ពុជា

គិតត្រឹមម៉ោង ៦ល្ងាច ថ្ងៃទី១៦ ខែធ្នូ ឆ្នាំ២០២៥ ម៉ោងនៅកម្ពុជា ចំនួនប្រជាពលរដ្ឋខ្មែរ ស្លាប់ដោយសារតែការបាញ់ប្រហាររបស់ថៃ ចូលជ្រៅក្នុងទឹកដីកម្ពុជា បានកើនឡើងដល់ ១៧នាក់ និងរបួស ៧៧នាក់ ខណៈដែលជនភៀសសឹកកម្ពុជា នៅខេត្តជាប់ព្រំដែនថៃ បានកើនឡើងដល់ជាង ៤៣ម៉ឺននាក់។ នេះបើតាមក្រសួងមហាផ្ទៃកម្ពុជា។