កម្ពុជា​លើក​ទឹក​ចិត្ត​ឲ្យ​មាន​ការ​កែ​ច្នៃ​សំណល់​ប្លាស្ទិក​ក្នុង​ស្រុក​ឡើង​វិញ

ក្នុងមួយឆ្នាំៗ សំណល់សំរាមបានកើនឡើងប្រមាណជាង ៤លានតោន ក្នុងនោះ ប្រមាណ ២០ភាគរយ ជាសំណល់ប្លាស្ទិក ត្រូវបានដឹកយកទៅចាក់ចោលនៅទីលានចាក់សំរាម ដោយពុំបានញែក កែច្នៃ ឬប្រើប្រាស់ឡើងវិញ ជាពិសេសសំណល់ប្លាស្ទិក។ បញ្ហានេះ ក្រសួងបរិស្ថាន បានប្រកាសលើកទឹកចិត្ត ឲ្យមានការកែច្នៃសំណល់ប្លាស្ទិក ដែលមាននៅក្នុងប្រទេសកម្ពុជា ដើម្បីចូលរួមកាត់បន្ថយការបំពុលបរិស្ថាន ដោយប្លាស្ទិក។