មន្ត្រីនាំពាក្យរាជរដ្ឋាភិបាលបញ្ជាក់ថា ព្រះមហាក្សត្រខ្មែរយាងទៅពិនិត្យព្រះរាជសុខភាពនៅចិន

ព្រះករុណា ព្រះមហាក្សត្រ សម្ដេចព្រះបរមនាថ នរោត្តម សីហមុនី និងសម្ដេចម៉ែ បានយាងទៅពិនិត្យព្រះរាជសុខភាព នៅប្រទេសចិន កាលពីថ្ងៃទី០១ ខែមេសា។ ការចាកចេញពីកម្ពុជានេះ មិនមែនដោយសារព្រះមហាក្សត្រ គេចវេសពីការឡាយព្រះហស្ថលេខា លើច្បាប់ស្តីពីការគ្រប់គ្រងប្រទេសជាតិ ស្ថិតក្នុងភាពអាសន្នឡើយ។ នេះបើតាមលោក ផៃ ស៊ីផាន រដ្ឋមន្ត្រីប្រតិភូ អមនាយករដ្ឋមន្ត្រី និងជាអ្នកនាំពាក្យរាជរដ្ឋាភិបាលកម្ពុជា ប្រកាសនៅក្នុងសន្និសីទកាសែត កាលពីព្រឹកថ្ងៃទី០២ ខែមេសា នៅទីស្តីការគណៈរដ្ឋមន្ត្រី។