កម្ពុជា បន្តបញ្ចេញប្រតិកម្មតបនឹងស្ថានទូតអាមេរិក ដែលរិះគន់ការបោះឆ្នោតនៅកម្ពុជា

ក្នុងសន្និសីទកាសែត ស្តីពី “សមិទ្ធផល ១ឆ្នាំ ក្រោយការបោះឆ្នោត”នៅទីស្តីការគណៈរដ្ឋមន្ត្រី ក្នុងរាជធានីភ្នំពេញ អ្នកនាំពាក្យរាជរដ្ឋាភិបាល លោក ផៃ ស៊ីផាន បានលើកឡើងថា ស្ថានទូតអាមេរិក ប្រចាំកម្ពុជា ដែលបានចេញផ្សាយនូវអត្ថបទរិះគន់ ដល់ការបោះឆ្នោតនៅកម្ពុជា កាលពីខែកក្កដា ឆ្នាំ២០១៨ ថាមិនសេរី មិនយុត្តិធម៌ ដោយសារតែមិនមានវត្តមានរបស់អតីតគណបក្សប្រឆាំងចូលរួម គឺជាសកម្មភាពរបស់ក្រុមមនុស្សព្រៃ ដែលកម្ពុជា ក្នុងនាមជាប្រទេសប្រជាធិបតេយ្យស៊ីវិល័យ តបតត្រឹមតែការតស៊ូមតិ និងតាមរយៈការតវ៉ាការទូតតែប៉ុណ្ណោះ។

អ្នកនាំពាក្យរាជរដ្ឋាភិបាលកម្ពុជា លោក ផៃ ស៊ីផាន Source: Meng Phalla