ប្រធានគណៈកម្មាធិការសិទ្ធិមនុស្សកម្ពុជា ជួបអ្នករាយការណ៍ពិសេសអង្គការសហប្រជាជាតិ

ក្នុងកិច្ចប្រជុំ នៅរាជធានីភ្នំពេញ​ លោក កែវ រ៉េមី ប្រធានគណៈកម្មការសិទ្ធិមនុស្សកម្ពុជា បានប្រាប់លោកស្រី រ៉ូណា ស្មីត អ្នករាយការណ៍ពិសេសអង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជាថា កម្ពុជា ជាប្រទេសគោរពសិទ្ធិមនុស្ស និងលទ្ធិប្រជាធិបតេយ្យ គឺសម្រាប់តែអ្នកប្រើប្រាស់សិទ្ធិស្របតាមច្បាប់ប៉ុណ្ណោះ។

ក៏ប៉ុន្តែអ្នករាយការណ៍ពិសេសរបស់អង្គការសហប្រជាជាតិ ទទួលបន្ទុកសិទ្ធិមនុស្សនៅកម្ពុជា លោកស្រី រ៉ូណា ស្មីត បានសម្តែងការព្រួយបារម្ភពីបញ្ហាសិទ្ធិមនុស្សនៅកម្ពុជា ក្រោយវិសោធនកម្មច្បាប់រដ្ឋធម្មនុញ្ញ និងក្រមព្រហ្មទណ្ឌ កាលពីពេលថ្មីៗនេះ។

យ៉ាង​ណា​ក៏​ដោយ លោក កែវ រ៉េមី បាន​គូស​បញ្ជាក់​ថា ប្រសិន​​បើ​​និ​យាយ​ពី​សិទ្ធិ​មនុស្ស ត្រូវបែងចែកឲ្យបានច្បាស់។ សិទ្ធិ​មនុស្ស​​នៅ​​កម្ពុជា​ មាន​លក្ខណៈ​​ល្អ ហើយ​ការ​លើក​ស្ទួយ​សិទ្ធិ ត្រូវដើរទន្ទឹមគ្នានឹងការគោរពច្បាប់។ ​