រដ្ឋ​មន្ត្រី​ក្រសួង​សុខាភិបាល ប្រកាស​ឲ្យ​​ពលរដ្ឋ​រាយការណ៍​ពី​គ្រូពេទ្យ​ដែល​មាន​អាកប្បកិរិយា​មិន​សមរម្យ​

ក្នុងរយៈពេលប៉ុន្មានឆ្នាំចុងក្រោយនេះ គ្រូពេទ្យនៅតាមមន្ទីរពេទ្យរដ្ឋជាច្រើន តែងតែទទួលរងនូវការរិះគន់អំពីក្រមសីលធម៌ និងវិជ្ជាជីវៈ ពាក់ព័ន្ធនឹងសម្តីអាក្រក់ ហើយព្យាបាល មិនយកចិត្តទុកដាក់ លើប្រជាពលរដ្ឋ ពិសេសជនក្រីក្រ ជាដើម។

Cambodia Minister of Health Mam Bun Heng Source: Meng Phalla

នៅពេលនេះ រដ្ឋមន្ត្រីក្រសួងសុខាភិបាល លោក ម៉ម ប៊ុន​ហេង បានប្រកាសជាថ្មីទៀត ដោយ​លើកទឹកចិត្តឲ្យប្រជាពលរដ្ឋ រាយការណ៍ចំពោះករណីគ្រូពេទ្យណា ដែលមាន​អាកប្បកិរិយា មិន​សមរម្យ​ជាមួយ​អ្នកជំងឺ ឬក៏មិនយកចិត្តទុកដាក់​ព្យាបាល​អ្នកជំងឺ ជាដើម។