អ្នកតំណាងរាស្ត្រ ចំនួន ៩២ រូប ក្នុងចំណោមសមាជិករដ្ឋសភាសរុប ១២៥ រូប បានរៀបចំសេចក្តីស្នើច្បាប់ ស្តីពី វិសោធនកម្មច្បាប់ ស្តីពី ការបោះឆ្នោតជ្រើសតាំងក្រុមប្រឹក្សារាជធានីខេត្ត ក្រុង ស្រុក ខណ្ឌ។ សេចក្តីស្នើច្បាប់នេះ ត្រូវបានគណៈកម្មាធិការអចិន្ត្រៃយ៍នៃរដ្ឋសភា បានបើកកិច្ចប្រជុំ កាលពីរសៀលថ្ងៃទី២៥ ខែធ្នូ ឆ្នាំ២០១៨ ដើម្បីពិនិត្យ និងបញ្ជូនសេចក្តីស្នើច្បាប់ ស្តីពី វិសោធនកម្មច្បាប់ ស្ដីពី ការបោះឆ្នោតជ្រើសរើសក្រុមប្រឹក្សារាជធានីខេត្តក្រុងស្រុកខណ្ឌ ទៅកាន់គណៈកម្មការជំនាញរបស់រដ្ឋសភា ដើម្បីពិនិត្យ សិក្សា មុននឹងបញ្ជូនមកកាន់គណៈកម្មាធិការអចិន្ត្រៃយ៍ ប្រជុំ ដាក់ក្នុងរបៀបវារៈនៃកិច្ចប្រជុំពេញអង្គរដ្ឋសភា។
Share
