គណបក្ស ភ្លើងទៀន ប្រកាសជំហរ មិនគាំទ្រ និងមិនពាក់ព័ន្ធយុទ្ធនាការគូសខ្វែងសន្លឹកឆ្នោតនោះទេ

គណបក្ស ភ្លើងទៀន បានប្រកាសជំហរ ថាបក្សប្រឆាំង ដែលមិនអាចចូលរួមប្រកួតប្រជែងការបោះឆ្នោតតំណាងរាស្ត្រ នៅកម្ពុជា ពេលនេះ មិនគាំទ្រយុទ្ធនាការគូសខ្វែងសន្លឹកឆ្នោតឡើយ។ គណបក្សភ្លើងទៀន ដែលបានប្តូរឈ្មោះមកពីគណបក្សសមរង្ស៊ី ក៏បានប្រកាសបដិសេធថា បក្សប្រឆាំងនេះ មិនជាប់ពាក់ព័ន្ធនឹងទង្វើ ឬក៏ការអំពាវនាវឱ្យគូសសន្លឹកឆ្នោតខ្វែងចោល នៅថ្ងៃបោះឆ្នោត ថ្ងៃទី២៣កក្កដាឡើយ ហើយទង្វើបែបនេះ កើតចេញពីបុគ្គលនោះទេ។