រថយន្តគ្លីនិកចល័តទាំងនេះ ជាមន្ទីរពេទ្យចល័ត ដោយបំពាក់ដោយសម្ភារៈបរិក្ខាពេទ្យគ្រប់គ្រាន់ ដើម្បីព្យាបាលអ្នកជំងឺ នៅតំបន់ជនបទដាច់ស្រយាល ក្នុងប្រទេសកម្ពុជា។ រថយន្តគ្លីនិកចល័តនេះ មួយគ្រឿង មានតម្លៃប្រហែល ៤០ម៉ឺនដុល្លារ។
លោក ម៉ម ប៊ុនហេង រដ្ឋមន្ត្រីក្រសួងសុខាភិបាល បានបញ្ជាក់ពីសារសំខាន់នៃរថយន្តគ្លីនិកចល័ត ដែលជាអំណោយរបស់ចិន យ៉ាងដូច្នេះ៖
( សំឡេងលោក ម៉ម ប៊ុនហេង )
សូមបញ្ជាក់ថា រថយន្តក្រុងគ្លីនិកចល័ត ដែលជាជំនួយរបស់ចិននេះ បំពាក់ដោយបរិក្ខាវេជ្ជសាស្ត្រទំនើបៗ អាចទទួលពិនិត្យ និងព្យាបាលជំងឺទូទៅ សម្ភព ផ្នែកថតឆ្លុះ និងផ្នែកវេជ្ជសាស្ត្រផ្សេងទៀតសរុប ៧ ផ្នែក។
មន្ទីរពេទ្យចល័ត លើរថយន្តក្រុងនេះ ត្រូវបានរដ្ឋាភិបាលចិន ផលិតចែកជូនដល់ប្រទេស ដែលត្រូវការជំនួយ ដែលជាផ្នែកមួយនៃគំនិតផ្តួចផ្តើមនៃគោលនយោបាយផ្លូវមួយក្រវ៉ាត់មួយ។ នៅខែតុលាខាងមុខ រថយន្តក្រុង គ្លីនិកចល័ត ២០គ្រឿងទៀត នឹងត្រូវចិន បញ្ជូនមកដល់ប្រទេសកម្ពុជា ដើម្បីបង្គ្រប់ចំនួន ៤០ គ្រឿង ដែលចិនបានយល់ព្រមផ្តល់ឲ្យកម្ពុជា៕
