ក្រុមអ្នករិះគន់ព្រលះយ៉ាងចាស់ដៃលើផែនការរបស់រដ្ឋាភិបាលដែលអនុញ្ញាតឱ្យជនរងគ្រោះដោយអំពើហឹង្សាក្នុងគ្រួសារដកប្រាក់ស៊ុបភើ

គម្រោងថ្មីរបស់រដ្ឋាភិបាលសហព័ន្ធនឹងអនុញ្ញាតឱ្យជនរងគ្រោះដោយសារអំពើហឹង្សាក្នុងគ្រួសារអាចដកប្រាក់ស៊ុបភើខ្លះរបស់ពួកគេយកមកប្រើប្រាស់បាន។ គោលនយោបាយនេះត្រូវបានរដ្ឋាភិបាលពិពណ៌នាថា ជាវិធានការមេត្តាករុណា ដើម្បីឆ្លើយតបទៅនឹងអំពើហឹង្សាក្នុងគ្រួសារ។ តាមគ្រោងការណ៍នេះ អ្នកដែលរស់រានមានជីវិតពីអំពើហឹង្សាក្នុងគ្រួសារ អាចដកប្រាក់ពីគណនីស៊ុបភើរបស់ពួកគេបានរហូតដល់ ១០,០០០ ដុល្លារ ដើម្បី ជាថវិកាសំរាប់ការឆ្លើយតបនឹងវិបត្តិរបស់ពួកគេ។ ប៉ុន្តែអ្នករិះគន់និយាយថា វាអាចធ្វើអោយស្ត្រីដែលងាយរងគ្រោះរួចស្រាប់ទៅហើយនោះ កាន់តែរងគ្រោះជាងនេះទៀត។