អំឡុងពេលចូលឆ្នាំថ្មី ប្រពៃណីជាតិខ្មែរ រយៈពេល ៤ថ្ងៃ គ្រោះថ្នាក់ចរាចរណ៍ សម្លាប់មនុស្ស ៥២នាក់ និងរបួស ១៨៣នាក់ កើនឡើងជាងពាក់កណ្តាល លើសឆ្នាំមុន

របាយការណ៍របស់ប៉ូលិសចរាចរណ៍ បង្ហាញថា គ្រោះថ្នាក់ចរាចរណ៍ផ្លូវគោក នៅទូទាំងប្រទេសកម្ពុជា ក្នុងអំឡុងពេលពិធីបុណ្យចូលឆ្នាំថ្មី ប្រពៃណីជាតិខ្មែរ រយៈពេល ៤ថ្ងៃ គិតចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០១៩ បានកើតឡើងសរុប ១០៩លើក បណ្តាលឲ្យស្លាប់ ៥២នាក់ និងរបួសសរុប ១៨៣នាក់។ មូលហេតុគ្រោះថ្នាក់ ច្រើនជាងគេ បង្កឡើងដោយសារការបើកបរលឿនល្មើសល្បឿនកំណត់ បើកបរក្នុងស្ថានភាពស្រវឹង ប្រជែង មិនប្រកាន់ស្តាំ មិនគោរពសិទ្ធិ បត់គ្រោះថ្នាក់ និងកត្តាយានយន្ត។

---