បក្សលេប័រនិងចលនាសហជីពកម្មករកំពុងតែចោទប្រកាន់រដ្ឋាភិបាលសហព័ន្ធដែលមិនអាចតតាំងជំនួសបុគ្គលិកកម្មករបាន បន្ទាប់ពីគណៈកម្មការ Fair Work Commission បានសម្រេចថានឹងកាត់អត្រាពិន័យចុងសប្តាហ៍សម្រាប់បុគ្គលិកបដិសណ្ឋារកិច្ច អ្នកលក់រាយនិងអ្នកធ្វើការនៅកន្លែងលក់ម្ហូបអាហារ Fast Foods ។
ការសម្រេចរបស់គណៈកម្មការនេះនឹងធ្វើឲ្យអ្នកធ្វើការជាច្រើនបាត់បង់អត្រាទ្វេរដងសម្រាប់ការធ្វើការនៅថ្ងៃអាទិត្យរបស់ពួកគេ ដោយជំនួសមកវិញនូវអត្រាទាបជាងនេះ។
សហជីពនិយាយថា រដ្ឋាភិបាលគួរតែធ្វើអ្វីច្រើនជាងនេះដើម្បីបញ្ឈប់អ្វីដែលខ្លួនមើលឃើញថា គឺជាការវាយប្រហារមួយទៅលើបុគ្គលិកកម្មករដែលទទួលបានប្រាក់កម្រៃទាបនៅក្នុងប្រទេសអូស្រ្តាលី ហើយកំពុងតែអំពាវនាវឲ្យនាយករដ្ឋមន្រ្តីធ្វើអន្តរាគមន៍លើរឿងនេះ។
ប៉ុន្តែអ្នកដែលគាំទ្រចំពោះការកាត់បន្ថយអត្រាធ្វើការនៅថ្ងៃអាទិត្យនេះនិយាយថា អាជីវកម្មឥឡូវនេះ នឹងអាចបើកទ្វាររកស៊ីបានកាន់តែយូរជាងមុន និងជួលបុគ្គលិកបានកាន់តែច្រើន។
Share
