ការវាយតម្លៃជាបឋមរបស់ក្រសួងកសិកម្ម រុក្ខាប្រមាញ់ និងនេសាទ បានឲ្យដឹងថា លំហូរត្រីដែលចេញបឹងទន្លេសាបនាឆ្នាំនេះបានល្អ និងមានទម្រង់ធំជាងឆ្នាំទៅ គឺដោយសារប្រមុខរាជរដ្ឋាភិបាល បានសម្រេចចិត្តធ្វើការបង្រាបបទល្មើសនេសាទទ្រង់ទ្រាយធំ ជារបៀបភ្លៀងរលឹម ។
ជាលទ្ធផល ក្រសួងមានក្តីសង្ឃឹមថា អាចទទួលបានផលប្រមាណជាជាង ១៤០ពាន់តោនក្នុងឆ្នាំនេះ នៅក្នុងដែននេសាទទឹកសាប កើនឡើងលើសពីឆ្នាំមុនចំនួន ៥ពាន់តោន ហើយនឹងអាចទទួលបានផលនេសាទសរុបចំនួន ៥០០ ពាន់តោន ដោយគិតរាប់បញ្ចូលការនេសាទតាមស្រែ និងវារីវប្បកម្មទឹកសាប។
