"ការអត់ទោស មិនមែនខ្ញុំរំដោះគេឱ្យមានសេរីភាពទេ គឺខ្ញុំខ្លួនឯងទេដែលរំដោះខ្លួនឯងឱ្យមានសេរីភាព"

ប្រិយមិត្តរបស់SBSខ្មែរ បានស្តាប់រួចមកហើយពីប្រវត្តិរបស់លោក ហ៊ីម សុរក្សា ដែលបានរួចជីវិតពីរណ្តៅសពក្នុងសម័យខ្មែរក្រហម ហើយទីបំផុត លោកបានក្លាយទៅជា អ្នកផ្តល់ប្រឹក្សាខាងផ្នែកចិត្តសាស្រ្តមួយរូបដែលបានបញ្ចប់ការសិក្សាថ្នាក់បណ្ឌិត នៅសកលវិទ្យាល័យមួយក្នុងប្រទេសកាណាដា និងជាអ្នកនិពន្ធសៀវភៅជាច្រើនក្បាល មានទាំងភាសាខ្មែរ និងភាសាអង់គ្លេស។ តើលោកធ្វើដូចម្តេចទើបអាចរំដោះខ្លួនលោកចេញពីគំនុំសងសឹង ដែលលោកបានសច្ចានៅមុខរណ្តៅសពរបស់ឳពុកម្តាយក្រុមគ្រួសាររបស់លោកបាន?

លោកបណ្ឌិត ហ៊ីម សុរក្សា អ្នកផ្តល់ប្រឹក្សាខាងផ្នែកចិត្តសាស្រ្ត និងជាអ្នកនិពន្ធសៀវភៅ “ស្នាមញញឹមថ្មី” “Shepherd of My Soul” “The Tears of my Soul” និង “After the Heavy Rain”។

យើងសូមព្រមានជាមុនថា នឹងមានការប្រើប្រាស់ពាក្យពេចន៍ភ័យរន្ធត់មួយចំនួន នៅក្នុងប្រវត្តិដ៏តក់ស្លុតរបស់លោក ហ៊ិម សុរក្សានេះ។

ប្រសិនបើលោកអ្នកត្រូវការជំនួយផ្លូវចិត្ត សូមទាក់ទងទៅកាន់ Lifeline តាមរយៈលេខ៖ 13 14 11 ឬ Beyond Blue លេខ1300 22 4636។