រដ្ឋាភិបាល​នឹង​ពង្រីក​កម្មវិធី​អប់រំ​ស្តីពី​សុវត្ថិភាព​លើ​ប្រព័ន្ធ​អនឡាញ​ដល់​កុមារតូចៗ

កុមារតូចៗដែលមានអាយុទើបតែ៤ឆ្នាំ នឹងទទួលបាននូវការហ្វឹកហាត់ស្តីពីសុវត្ថិភាពលើប្រព័ន្ធអ៊ីនធឺណិត (Cyber Safety) ពីប៉ូលិសសហព័ន្ធនិងគ្រូបង្វឹក ដោយសារតែខ្លាចថាពួកគេមួយចំនួនអាចនឹងបង្កើតរូបភាពផ្លូវភេទដោយបើកចំហរ។

---

រដ្ឋាភិបាល​សហព័ន្ធ​និយាយថា កម្មវិធី​ថ្មីនេះ គឺឆ្លើយ​តប​ដោយ​ផ្ទាល់​ចំពោះ​ការ​ផ្ទុះ​ឡើង​ជា​ខ្លាំង​នៃ​ការ​ប្រើប្រាស់​ទូរសព្ទ smart phone។

ការសិក្សាស្រាវជ្រាវ​មួយ​ដែល​ធ្វើឡើង​ដោយគណៈកម្មការ e-Safety Commission បង្ហាញថា ជិត​៥០%​នៃ​កុមារ​បាន​រាយការណ៍​មកថា បាន​ចែករំលែក​រូបថត​ដែល​បង្ហាញ​មុខ​មាត់​ពិត​របស់​ពួកគេ​នៅ​លើ​អនឡាញ។

ខណៈដែល​ប្រហែល​ជា​១ភាគ៤​បាន​និយាយថា ពួកគេ​បាន​ប្រាប់​នាមត្រកូល​និង​អាយុ​ពិត​របស់​ពួកគេ។

ដែល​គួរ​ឲ្យ​បារម្ភទៅ​ទៀតនោះ ៦%​បាន​ប្រាប់​លេខ​ទូរសព្ទ​និង​អាសយដ្ឋាន​របស់​ពួកគេ​នៅ​លើ​ប្រព័ន្ធ​អនឡាញ​ផងដែរ។

ហើយ​នៅ​មាន​រឿង​ដ៏​គួរ​ឲ្យ​ខ្លាច​មួយ​ទៀត​គឺ រូបភាព​កុមារ​ជា​ច្រើន​ត្រូវ​បាន​បង្ហោះ​ដោយ​មិន​មាន​ពាក់​ខោអាវ។