រដ្ឋាភិបាលផ្តល់ពីតម្រុយដោះស្រាយបញ្ហាផ្ទះឡើងថ្លៃនៅក្នុងកញ្ចប់ថវិកាខែឧសភា

រដ្ឋាភិបាលរដ្ឋវិចថូរៀបានប្រកាសថាពន្ធប្រថាប់ត្រា (stamp duty) នឹងត្រូវលើកលែងសម្រាប់អ្នកទិញផ្ទះលើកដំបូងដែលទិញអចលនទ្រព្យតម្លៃក្រោម៦សែនដុល្លារនៅក្នុងរដ្ឋនេះ។

---

ប្រមុខ​រដ្ឋ​វិចថូរៀ លោកDaniel Andrews មានប្រសាសន៍ថា លោកសង្ឃឹម​ថា​វិធានការ​នេះ​នឹង​ជួយ​ដោះស្រាយ​​លទ្ធភាព​ក្នុង​ការ​ទិញ​ផ្ទះ​សម្បែង​(Housing Affordability)​ដែល​ជា​បញ្ហា​នយោបាយ​ដ៏​ក្តៅ​គគុក​នៅទូទាំង​ប្រទេស​។

ហិរញ្ញិកសហព័ន្ធ​លោក Scott Morrison និយាយថា​ការដោះស្រាយ​បញ្ហា​ថ្លៃ​ផ្ទះ​សម្បែង​នឹង​ជា​គោលដៅ​មួយ​ដែល​រដ្ឋាភិបាល​ផ្តោតជា​សំខាន់​នៅ​ក្នុង​កញ្ចប់​ថវិកា​ខែ​ឧសភា​ខាង​មុខនេះ ប៉ុន្តែ​នៅ​មាន​ភាព​មិនចុះ​សម្រុង​គ្នានៅ​ឡើយ​ស្តី​ពី​ថា​តើ​គួរ​ដោះស្រាយ​បញ្ហានេះ​តាម​វិធីណា។