ករណីក្រុមហ៊ុនឯកជនមួយ ដែលគេអះអាងថា ជាក្រុមហ៊ុនរបស់មហាសេដ្ឋីដីធ្លី លោកស្រី ជឹង សុភាព ហៅ យាយភូ ភរិយាលោក ឡៅ ម៉េងឃិន សមាជិកព្រឹទ្ធសភា បានចាក់ដី លុបឆ្នេរសមុទ្រ នៅខេត្តព្រះសីហនុ គឺត្រូវបានលោក ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ នៅរសៀលថ្ងៃទី១៨ ខែកញ្ញា ឆ្នាំ២០១៨ បានដឹកនាំមន្ត្រីជំនាញ ដោយដើរលុកភក់ កប់ៗជើង ចុះត្រួតពិនិត្យ និងអនុវត្តបទបញ្ជាដ៏ម៉ឹងម៉ាត់របស់លោកនាយករដ្ឋមន្ត្រី ហ៊ុន សែន។
លោកនាយករដ្ឋមន្ត្រី ហ៊ុន សែន បានតម្រូវឲ្យក្រុមហ៊ុនយាយភូ កាយអាចម៍ដី ចេញពីឆ្នេរសមុទ្រ ដើម្បីរក្សាស្ថានភាពដើមឡើងវិញ។ ហើយនៅរសៀលថ្ងៃទី១៨ ខែកញ្ញា ឆ្នាំ២០១៨ សកម្មភាពកាយអាចម៍ដីរបស់យាយភូ ចេញពីឆ្នេរសមុទ្រ ព្រែកត្រែង នៅខេត្តព្រះសីហនុ បានអនុវត្តជាបណ្តើរៗហើយ។
Share
