មានការអំពាវនាវឱ្យអូស្ត្រាលីធ្វើត្រាប់តាមកំណែទម្រង់ដ៏ធំបំផុតនៃប្រព័ន្ធពន្ធរបស់សហរដ្ឋអាមេរិកក្នុងពេលជាច្រើនទសវត្សរ៍មកនេះ បន្ទាប់ពីសភាអាមេរិកបានអនុម័តនៅថ្ងៃព្រហស្បតិ៍នេះ។
កញ្ចប់ថវិកាជិត២សែនកោដដុល្លារអូស្រ្តាលី នឹងត្រូវកាត់បន្ថយពន្ធសម្រាប់អាជីវកម្មនិងពលរដ្ឋអាម៉េរិកដែលជាអ្នកមានទ្រព្យធន រួមជាមួយនឹងការកាត់បន្ថយតិចតួចសម្រាប់អ្នកដែលមានប្រាក់ចំណូលទាបនិងមធ្យម។
មន្រ្តីផ្នែកហិរញ្ញវត្ថុនិងរតនាគារក្នុងប្រទេសអូស្រ្តាលីបានតាមដានមើលដំណើរការនៃការអនុម័តលើសេចក្តីព្រាងច្បាប់របស់លោកប្រធានាធិបតីអាម៉េរិកដូណាល់ ត្រាំ ហើយពួកគេចង់បាននូវអ្វីដូចដែលពួកគេបានឃើញនេះ។
គម្រោងការរបស់លោកត្រាំ ដែលនឹងទម្លាក់អត្រាពន្ធសាជីវកម្មពី៣៥%មក២១% ត្រូវបានលោកហិរញ្ញិកScott Morrison លើកទឹកចិត្តឲ្យរដ្ឋាភិបាលសហព័ន្ធធ្វើតាមបែបស្រដៀងគ្នានេះ។
លោកថា៖ ប្រសិនបើរដ្ឋាភិបាលមិនធ្វើសកម្មភាពទេនោះ វាគឺជាការប្រថុយទៅនឹងគ្រោះថ្នាក់ដែលជះឥទ្ធិពលដល់កំណើនសេដ្ឋកិច្ចអូស្រ្តាលីនិងចំណូលពន្ធ។
