អ្នកនាំពាក្យក្រសួងអប់រំយុវជននិងកីឡា បានវាយតម្លៃជារួមថា ដំណើរការរៀបចំការប្រឡងបាក់ឌុបនៅទូទាំងប្រទេសឆ្នាំនេះ បានប្រព្រឹត្តិទៅល្អប្រសើរជាងឆ្នាំមុន។
ក្រសួងអប់រំបានឲ្យដឹងថា លទ្ធផលប្រឡងនឹងត្រូវប្រកាសនៅតាមមណ្ឌលប្រឡងក្នុងរាជធានីភ្នំពេញ និងខេត្តកណ្ដាល នារសៀលថ្ងៃទី១៣ខែកញ្ញាឆ្នាំ២០១៦ និងនៅតាមមណ្ឌលប្រឡងក្នុងខេត្តផ្សេងទៀត នាថ្ងៃទី១៤ ខែកញ្ញា ឆ្នាំ២០១៦។
សូមរម្លឹកថា ឆ្នាំនេះជាឆ្នាំទី៣ហើយដែលក្រសួងអប់រំបានបន្តរឹតបន្តឹងវិន័យពិសេសគឺមិនអនុញ្ញាតឲ្យបេក្ខជនប្រឡងបាក់ឌុប នាំចូលប្រ៊ីយ៉ុង សំណៅឯកសារ គ្រឿងអេឡិចត្រូនិច ចូលបន្ទប់ប្រឡងឡើយ។ ក្នុងនោះបេក្ខជនក៏មិនអនុញ្ញាតឲ្យលួចចម្លងក្នុងបន្ទប់ប្រឡងទេ។ អ្នកសង្កេតការណ៍រាប់ពាន់នាក់ត្រូវបានដាក់ពង្រាយសង្កេតការណ៍ ដំណើរការប្រឡងបាក់ឌុបចាប់តាំងពីឆ្នាំ២០១៤ ក្រោយពីលោក ហង់ជួន ណារ៉ុន ឡើងធ្វើជារដ្ឋមន្ត្រីក្រសួងអប់រំ៕
Share
