ដូចការគ្រោងទុក កាលពីម៉ោង៥ ល្ងាច ម៉ោងនៅប្រទេសកម្ពុជា នាថ្ងៃទី១៥ ខែមីនា លោកនាយករដ្ឋមន្ត្រី ហ៊ុន សែន បានដឹកនាំគណៈប្រតិភូជាន់ខ្ពស់កម្ពុជា អញ្ជើញទៅចូលរួមកិច្ចប្រជុំកំពូលពិសេស អាស៊ាន-អូស្រា្តលី ដែលនឹងប្រព្រឹត្តទៅពីថ្ងៃទី១៦ ដល់ថ្ងៃទី១៨ ខែមីនា ឆ្នាំ២០១៨ នៅទីក្រុងស៊ីដនី ប្រទេសអូស្រ្តាលី។
បើតាមកាលវិភាគ លោកនាយករដ្ឋមន្រ្តីហ៊ុន សែននឹងត្រូវជួបប្រជុំទ្វេរភាគីជាមួយនឹងលោកនាយករដ្ឋមន្រ្តីអូស្រ្តាលីMalcolm Turnbull នៅរសៀលថ្ងៃសុក្រនេះ។
គេរំពឹងថា លោក ថឺនបល នឹងលើកឡើងនូវការព្រួយបារម្ភអំពីបញ្ហាលទ្ធិប្រជាធិបតេយ្យកម្ពុជាដែលកំពុងតែវិនាសបែកបាក់ និងបញ្ហាកំណត់ត្រាសិទ្ធិមនុស្សនៅក្នុងកិច្ចប្រជុំកំពូលអាស៊ានអូស្រ្តាលីនៅទីក្រុងស៊ីដនីនេះ៕
Share
