ក៏ប៉ុន្តែលោកនាយករដ្ឋមន្ត្រី ហ៊ុន សែន បានចាត់ទុកដំណឹងនេះថា ជាព័ត៌មានបំផ្លើស ហើយថា ជប៉ុនមិនដែលមានទម្លាប់បែបនេះទេ។ តែផ្ទុយទៅវិញប្រទេសជប៉ុន ជាប្រទេសមួយ ដែលគោរពច្បាប់ និងអធិបតេយ្យភាពខ្លាំងណាស់របស់កម្ពុជា។
( សំឡេង លោកនាយករដ្ឋមន្ត្រី ហ៊ុនសែន )
ជាមួយគ្នានោះ ក្នុងពិធីចែកសញ្ញាប័ត្រដល់និស្សិតបញ្ចប់ការសិក្សា កាលពីព្រឹកថ្ងៃទី២៧ ខែមីនា លោកនាយករដ្ឋមន្ត្រី ហ៊ុនសែន ក៏បានបញ្ជាផ្ទាល់មាត់ទៅកាន់ប្រធានពន្ធនាគារព្រៃស នៅរាជធានីភ្នំពេញ ឲ្យដកហូតទូរស័ព្ទពីអតីតថ្នាក់ដឹកនាំគណបក្សសង្គ្រោះជាតិ លោក មាជ សុវណ្ណារ៉ា ដែលកំពុងជាប់ពន្ធនាគារផងដែរ។
( សំឡេង លោកនាយករដ្ឋមន្ត្រី ហ៊ុនសែន )
ពាក់ព័ន្ធនឹងរឿងនយោបាយ កាលពីព្រឹកថ្ងៃទី២៧ ខែមីនា តុលាការសាលាឧទ្ធរណ៍ បានសម្រេច យល់ស្របតាមតុលាការសាលាដំបូងរាជធានីភ្នំពេញ ក្នុងការពន្យារពេលឃុំខ្លួនលោកកឹមសុខា អតីតប្រធានគណបក្សសង្គ្រោះជាតិ រយៈពេល ៦ ខែបន្តទៀត។ សវនាការនោះ មិនមានវត្តមានរបស់លោកកឹមសុខា ដែលកំពុងជាប់ពន្ធនាគារត្រពាំងផ្លុង នៅខេត្តត្បូងឃ្មុំ ជាប់ព្រំដែនប្រទេសវៀតណាម ឡើយ គឺមានតែវត្តមានរបស់ក្រុមមេធាវីការពារក្តីរបស់លោកប៉ុណ្ណោះ៕
